લોહીની ઉણપની ફરિયાદ સામાન્ય રીતે મહિલાઓમાં વધારે જોવા મળે છે. ખાવા-પીવામાં બેદરકારી અને પીરિયડ્સના કારણે શરીરમાં હિમોગ્લોબિનની મોટાભાગે ઉણપ જોવા મળતી હોય છે.
હિમોગ્બોલિનની ઉણપના કારણે જ એનીમિયા થાય છે અને તે ખૂબ જ ખતરનાક છે. ખાણીપીણીમાં જો આર્યનની ઉણપ હોય તો એનીમિયા થાય છે. એનીમિયાને જીવલેણ બિમારી માનવામાં આવે છે.
જોકે હિમોગ્લોબિનની ઉણપના લક્ષ્ય સરળતાથી તમારા શરીરમાં જોવા મળે છે અને તેના લક્ષણને ઓળખીને તમે ખાવાની આદતને ઠીક કરી શકો છો, જેના કારણે હિમોગ્લોબિન વધશે. એનીમિયામાં આર્યનયુક્ત ખોરાક લેવો ખૂબ જ જરૂરી હોય છે. શેકેલા ચણા અને ગોળ એનીમિયાને ખત્મ કરી શકે છે.
ચણા અને ગોળ:
- ગોળ અને ચણા હિમોગ્લોબિન વધારવામાં સારી રીતે કામ કરે છે. જોકે ચણા અને ગોળ લોહી વધારવામાં એટલુ મદદગર નથી પરંતુ તેના ખાવાના ફાયદા છે. સ્કિનથી લઇને દાંત અને કબજિયાત જેવી બિમારીઓમાં કારગત સાબિત થાય છે. તેની સૌથી મહત્વની વાત છે કે ગોળ અને ચણા બંને સાથે ખાશો તો ફાયદારૂપ સાબિત થશે.
આર્યનથી ભરપૂર ગોળ:
ગોળમાં સૌથી વધારે આર્યન હોય છે અને એનીમિયા આર્યનની ઉણપથી થાય છે. તેવામાં ગોળ ખાવાથી ફાયદો થશે. ગોળમાં માત્ર આર્યનની ઉણપ જ નહી પરંતુ સોડિયમ, પોટેશિયમ અને કેટલાક વિટામિન છે. રોજ ડાયટમાં ગોળ શામેલ કરવામાં આવે તો તેના ફાયદા અનેક છે. ગોળ ઇમ્યૂનને મજબૂત કરે છે.
વિટામિન અને પ્રોટીનથી ભરપૂર છે ચણા:
ચણા કેલ્શિયમ અને વિટામિન જ નહીં પરંતુ ફોસ્ફરસ, પ્રોટીન અને આર્યન માટેનો પણ સારો સ્ત્રોત છે. એટલે કે ચણા ખાવાથી શરીરની કેટલીક બિમારીઓને સરળતાથી દૂર કરી શકાય છે. ચણા કિડની માટે પણ લાભકારક છે.
ગોળ અને ચણા દવાનું કામ કરે છે:
ચણા અને ગોળ ખાવાના ફાયદા તો તમે જાણી લીધા પરંતુ જો તેને સાથે ખાવામાં આવે તો તે દવાનું કામ કરે છે. ખાસ વાત એ છે કે જ્યારે ચણા અને ગોળ સાથે ખાવામાં આવે તો તે શરીરને પોષક તત્વો મળે છે. એટલે ચણા અને ગોળ માત્ર એનીમિયા માટે નહી પરંતુ ઘણી બિમારીઓ માટે ફાયદારૂપ છે.
ગોળ-ચણાના ફાયદા:
- ચણા પ્રોટીનથી ભરપૂર હોય છે. જ્યારે તેને ગોળની સાથે ખાવામાં આવે છે. ત્યારે તેનાથી મસલ્સ સારા બને છે. સાથે જ તેની મેટાબોલિક રેટ પણ સારુ બને છે અને વજન ઉતારવા માટે લાભદાયી છે.
- ચણા-ગોળમાં ઝિંક હોય છે અને તે સ્કિન માટે ફાયદારૂપ છે. આ સાથે જ તેનાથી મળતા વિટામિન B6 મગજને શાર્પ બનાવે છે.
- ચણા અને ગોળમાં ફાઇબર હોય છે અને પાચનશક્તિને સારી બનાવે છે. આ સાથે જ કબજિયાત જેવી બિમારીને પણ દૂર કરવામાં મદદરૂપ થાય છે.
- ચણા અને ગોળમાં ફોસ્ફરસ અને કેલ્શિયમ હોય છે, જેથી દાંત અને હાડકા માટે પણ લાભદાયી છે.