રોજ રાતે નાભિમાં તેલ નાંખવાથી સ્વાસ્થ્ય સંબંધી ઘણી સમસ્યાઓથી બચી શકાય છે, ચાલો જાણી લો ફાયદા.
મજબૂત ઈમ્યૂનિટી જોઈએ તો રોજ નાભિમાં તેલ નાંખો
રોજ રાતે નાભિમાં તેલ નાંખીને સૂવાથી વાળ અને સ્કિન હેલ્ધી રહે છે
સાંધાઓના દુખાવા માટે બેસ્ટ છે આ ઉપાય
નાભિની સાફ-સફાઈનું ધ્યાન રાખવું ખૂબ જ જરૂરી છે. એવી ઘણી નાની-મોટી સમસ્યાઓ છે જેને તમે નાભિની મદદથી ઠીક કરી શકો છો. નાભિ આપણાં શરીરનો સેન્ટર પોઈન્ટ હોય છે. જેની સાથે બોડીની નર્વસ સિસ્ટમ જોયાયેલી હોય છે. જેથી નાભિમાં તેલ લગાવવાના પણ ગજબના ફાયદા છે. જો તમે અલગ-અલગ તેલ નાભિમાં લગાવશો તો તેનાથી હેલ્થ અને બ્યૂટીથી જોડાયેલા અલગ-અલગ ફાયદા મળશે. ચાલો જાણીએ.
ગ્લોઈંગ સ્કિન માટે બદામનું તેલ
ચહેરો સાવ નિષ્તેજ લાગે તો રોજ રાતે સૂતા પહેલાં બદામના તેલના 3-4 ટીપાં નાભિમાં નાખવા અને નાભિની આસપાસ હળવા હાથે મસાજ કરવું. આ તેલમાં ભરપૂર વિટામિન ઈ હોવાથી તે સ્કિન, આંખો અને બ્રેનને હેલ્ધી રાખે છે.
સાંધા દુઃખતા હોય તો એરંડીનું તેલ
રોજ રાતે સૂતા પહેલાં એરંડીના તેલના 3-7 ટીપાં નાભિમાં નાખવા અને નાભિની આસપાસ ગોળાકારમાં તેલ ફેલાવી હળવા હાથે મસાજ કરો. તેનાથી સાંધાઓનો દુખાવો દૂર થશે અને શરીર લચીલું બનશે.
વજન ઘટાડવા જેતૂનનું તેલ
જો તમે સ્થૂળતા અને સાંધાઓની તકલીફથી પરેશાન છો તો રોજ રાતે સૂતા પહેલાં જેતૂનના તેલના 3-7 ટીપાં નાભિમાં નાખવા અને નાભિની આસપાસ ગોળાકારમાં તેલથી મસાજ કરો. આ ઉપાયથી થોડાં જ દિવસમાં તમારી તકલીફ દૂર થતી દેખાશે.
મજબૂત ઈમ્યૂનિટી અને સિલ્કી હેર માટે નારિયેળ તેલ
આંખોમાં ડ્રાયનેસ, નબળાઈ અથવા ડ્રાય હેઅરથી પરેશાન લોકોએ રોજ રાતે સૂતા પહેલાં નારિયેળ તેલના 3-7 ટીપાં નાભિમાં નાખવા અને નાભિની આસપાસ ગોળાકારમાં તેલ ફેલાવવું. તેનાથી સ્કિન અને વાળમાં ચમક આવશે, ઈમ્યૂનિટી વધશે અને આંખોની સમસ્યા પણ દૂર થશે.
ખીલ મટાડવા લીમડાનું તેલ
ચહેરા પર વારંવાર પિંપલ્સની સમસ્યા રહેતી હોય તો તેને કાયમી દૂર કરવા રોજ રાતે સૂતા પહેલાં કડવા લીમડાનું તેલના 3-7 ટીપાં નાભિમાં નાખો. થોડાં જ દિવસોમાં ફરક દેખાવા લાગશે.
આ રીતે લગાવો નાભિમાં તેલ
રોજ રાતે સૂતા પહેલાં તેલને નવશેકું ગરમ કરીને તેના 5-6 ટીપાં નાભિમાં નાખો. લગભગ 5-10 મિનિટ રહેવા દો. તેનાથી તેલ નાભિની અંદર એબ્સોર્બ થઈ જશે અને બાકી ઉપર જે તેલ રહે તેના નાભિ અને તેની આસપાસ ફેલાવીને હળવા હાથે મસાજ કરી લો.