કામની વાત / મહત્વના સમાચાર: જનધન ખાતાધારકોએ બેંકે નહીં ખાવા પડે ધક્કા, ઘરે બેઠા જ મળશે આ સુવિધા

• માત્ર એક મિસ કોલ દ્વારા ઘરે બેઠા બેઠા જાણી લો બેલેન્સ 
• જનધન ખાતાના ફાયદા 
• મિનીમમ બેલેન્સ રાખવાની મુશ્કેલી નહી

માત્ર એક મિસ કોલ દ્વારા ઘરે બેઠા બેઠા જાણી લો બેલેન્સ 
તમે તમારા જનધન ખાતાનું બેલેન્સ માત્ર એક મિસકોલ દ્વારા જાણી શકો છો અને બીજી રીતે PFMS પોર્ટલ દ્વારા પણ જાણી શકાય છે. વડા પ્રધાન જન ધન ખાતા પર ગ્રાહકોને 5000 રૂપિયાની ઓવરડ્રાફ્ટ સુવિધા મળે છે. ઓવરડ્રાફટની સુવિધાનો લાભ લેવા માટે આધારકાર્ડ હોવું જરૂરી છે. આ સિવાય પીએમજેડીવાય ખાતાને પણ આધારકાર્ડ સાથે જોડવું જોઈએ. આ યોજના હેઠળ પીએમ મોદીનો ઉદ્દેશ દરેક પરિવાર માટે બેંક ખાતું ખોલવાનો હતો. જન ધન યોજના હેઠળ, તમે 10 વર્ષથી ઓછી ઉંમરના બાળકનું એકાઉન્ટ પણ ખોલી શકો છો. તમારા જનધન ખાતાનું બેલેન્સ 18004253800 અને 1800112211 દ્વારા જાણી શકો છો. 

જનધન ખાતાના ફાયદા 
ડિપોઝીટ પર વ્યાજ મળે છે અને તે સિવાય મોબાઇલ બેન્કિંગની પણ સુવિધા આપવામાં આવે છે. જનધન ખાતુ છે તો તમે ઓવરડ્રાફ્ટ દ્વારા 10000 રૂપિયા સુધી પૈસા કાઢી શકો છો પરંતુ આ સુવિધા થોડા મહિના બાદ મળે છે. આ સાથે જ બે લાખ રૂપિયા સુધીનો એક્સિડેન્ટલ ઇન્સ્યોરન્સ કવર મળે છે. 30000 રુપિયા સુધીનું લાઇફ કવર અને જો લાભાર્થીની મૃત્યુ પર યોગ્યતા શરતો પૂરી થવા પર મળે છે. જનધન ખાતુ ખાલવા પર રુપે ડેબિટ કાર્ડ મળે છે જેનાથી પૈસા નીકળી શકે છે અને ખરીદી પણ થઇ શકે છે. 

મિનીમમ બેલેન્સ રાખવાની મુશ્કેલી નહી 
PMJDY હેઠળ ખોલવામાં આવેલા ખાતામાં મિનીમમ બેલેન્સ મેઇન્ટેન કરવાની જરૂર હોતી નથી. જો ચેકબુકની સુવિધા જોઇએ છે તો તમારે મિનીમમ બેલેન્સ મેઇન્ટેન કરવુ પડશે. જો તમારે નવુ જનધન ખાતુ ખોલવુ હશે તો તમારે નજીકની બેન્કમાં જવુ પડશે અને ફોર્મ ભરવુ પડશે તેમાં તમારી બધી ડિટેલ્સ ભરીને અપ્લાય કરવુ પડશે. પોતાનું નામ, એડ્રેસ, મોબાઇલ નંબર, બ્રાંચનું નામ, એસએસએ કોર્ડ નંબર વગેરે ભરીને સબમિટ કરી દેવાનું રહેશે. PMJDYની વેબસાઇટ અનુસાર પાસપોર્ટ, ડ્રાઇવિંગ લાયસન્સ, પેનકાર્ડ નંબર, વોટર આઇડી કાર્ડ જેવા દસ્તાવેજ દ્વારા તમારુ જનધન ખાતુ ખુલી જશે.