પોતાની ડેબ્યૂ સીઝનમાં જ ગુજરાત ટાઈટન્સ IPL 2022માં વિજેતા બની. જાણો ગુજરાત ટાઈટન્સની એવી 5 તાકાત, જેણે ટીમને સફળતા અપાવી છે.
ગુજરાત ટાઈટન્સ રહી IPL 2022ની વિજેતા
પોતાની ડેબ્યૂ સીઝનમાં જ વિજેતા બની ગુજરાત ટાઈટન્સ
હાર્દિક પંડ્યાએ કેપ્ટન તરીકે કમાલ કરી બતાવી
ગુજરાત ટાઈટન્સ રહી IPL 2022ની વિજેતા
IPL 2022માં પહેલી વાર હિસ્સો લેનાર ટીમ ગુજરાત ટાઈટન્સે જ્યારે હાર્દિક પંડ્યાને પોતાનો કેપ્ટન બનાવ્યો હતો, ત્યારે સૌ કોઈ ચોંકી ગયા હતા, કેમકે હાર્દિક પંડ્યાએ પહેલા ક્યારેય કોઈ ટીમની કેપ્ટન્સી કરી ન હતી, પરંતુ હવે ગુજરાત ટાઈટન્સ પોતાની ડેબ્યૂ સીઝનમાં જ ચેમ્પિયન બની ગઈ છે, ત્યારે સૌ કોઈને જવાબ મળી ગયો છે.
અમદાવાદનાં નરેન્દ્ર મોદી સ્ટેડિયમમાં રવિવારનાં ફાઈનલ મુકાબલામાં ગુજરાત ટાઈટન્સે રાજસ્થાન રોયલ્સને 7 વિકેટથી માત આપી. રાજસ્થાને પહેલા બેટિંગ કરીને 130નો સ્કોર બનાવ્યો, જવાબમાં ગુજરાત ટાઈટન્સે સરળતાથી આ ટારગેટ પ્રાપ્ત કર્યો હતો.
આ માત્ર એક મેચની વાત નથી, પરંતુ આખી સીઝનમાં ગુજરાતે દમદાર પ્રદર્શન દાખવ્યું છે. આપણે એ પાંચ મોટા ફેક્ટર પર નજર નાંખીશું, જેની મદદથી ડેબ્યૂ સિઝનમાં જ ગુજરાત ટાઈટન્સની ટીમ ચેમ્પિયન બની શકી છે.
1. કેપ્ટન હાર્દિક પંડ્યાની કમાલ
ટી20 વર્લ્ડકપ 2021 બાદ વાપસી કરી રહેલા હાર્દિક પંડ્યાને જ્યારે કેપ્ટન બનાવવામાં આવ્યા, ત્યારે ઘણા સવાલો ઉભા થયા. પરન્ર્ય હાર્દિકે પોતાના પ્રદર્શનથી દરેકને ચુપ કરાવી દીધા. કેપ્ટન તરીકે હાર્દિક પંડ્યા આખી સિઝનમાં ઘણા સ્પષ્ટ જોવા મળ્યા. તેમણે ઘણા ઓછા બ્લંડર કર્યા. સાથે જ બોલર તથા બેટ્સમેન તરીકે પણ તેમણે પોતાના પ્રદર્શનથી ટીમને લીડ કરી. ટુર્નામેન્ટમાં મળેલ અમુક હાર બાદ પણ હાર્દિકે હસતા હસતા સવાલોનાં જવાબ આપ્યા, તેમણે સંકેત આપ્યો હતો કે તેઓ કેપ્ટન તરીકે હાર મેળવવા માટે તૈયાર છે અને પેનિક નથી થઇ રહ્યા.
2. ઓલરાઉન્ડર રાશિદ ખાનનો સાથ
હાલના સમયમાં દુનિયામાં રાશિદ ખાન કરતા સારો ટી20 પ્લેયર નથી. રાશિદ ખાનને ગુજરાત ટાઈટન્સે ઉપ-કપ્તાન બનાવ્યા, હૈદરાબાદ સાથે લાંબા સમય સુધી રમ્યા બાદ, તેઓ ગુજરાત સાથે જોડાયા અને છવાઈ ગયા. આખી સીઝનમાં રાશિદે 19 વિકેટ લીધી, સૌથી ખાસ તેમનો ઈકોનોમી રેટ રહ્યો, જે 7 કરતા પણ નીચે હતા. આઈપીએલ જેવી લીગમાં આખી સીઝનમાં આં ઈકોનોમી રેટ ઘણો સારો છે. પરંતુ ગુજરાત માટે પ્લસ પોઈન્ટ ઓલરાઉન્ડર રાશિદ રહ્યા છે, જેમણે બે-ત્રણ મેચમાં બેટિંગમાં કેમિયો કર્યો અને ટીમને જીત અપાવી. રાશિદ ખાને પોતે પણ કહ્યું છે કે તેઓ ખુદને ઓલરાઉન્ડર કહેવડાવવાનું પસંદ કરે છે.
3. ફિનીશર્સે મચાવી તબાહી
ગુજરાત ટાઈટન્સ માટે ડેવિડ મિલર અને રાહુલ તેવતિયાની જોડીએ કમાલ કરી બતાવી. બંનેએ મળીને આમુક મેચમાં ટીમને શાનદાર જીત અપાવી. ડેવિડ મિલર લાંબા સમય બાદ આઈપીએલમાં ચમક્યા અને એવા ચમક્યા કે પોતાની ટીમને ચેમ્પિયન બનાવી દીધી. મિલરે આ સીઝનમાં 481 રન બનાવ્યા, જ્યારે રાહુલ તેવતિયાએ 12 ઇનિંગમાં જ 217 રન બનાવ્યા છે.
4. મોહમ્મદ શામીનો અનુભવ
ટીમ ઇન્ડિયાનાં ફાસ્ટ બ્પ્લાર મોહમ્મદ શામીનો અનુભવ ગુજરાત ટાઈટન્સ માટે વરદાનરૂપ રહ્યો. શામીએ 20 વિકેટ લીધી અને પોતાની ટીમ તરફથી સૌથી વધારે વિકેટ લેનાર બોલર બન્યા. સૌથી ખાસ એ રહ્યું કે લગભગ દરેક મેચમાં મોહમ્મદ શામીએ પોતાની ટીમને શરૂઆતમાં સફળતા અપાવી, તેઓ અમુક મેચમાં મોંઘા પણ સાબિત થયા. પરંતુ ત્યારે કોઈ બીજા ખેલાડીએ ટીમની કમાન સંભાળી લીધી. મોહમ્મદ શામી ઉપરાંત, લોકી ફર્ગ્યુસનની ઘાતક બોલિંગે સામેની ટીમના પરસેવા છોડાવી દીધા, તેને કુલ 12 વિકેટ પોતાના નામે કરી. સાથે જ સીઝનનો સૌથી ફાસ્ટ બોલ 157.30 KMPHનો પણ રેકોર્ડ બનાવ્યો.
5. નેહરાજીનું પ્લાનિંગ
ગુજરાત ટાઈટન્સનાં હેડ કોચ આશિષ નેહરાની હાથમાં કાગળ પકડ્યો હોય, એવી તસવીર પણ વાયરલ થઇ હતી, પરંતુ આ જ કાગળે ગુજરાત ટાઈટન્સ માટે કમાલ કરી બતાવી. આશિષ નેહરાએ વારંવાર ટીમને એક જ મંત્ર આપ્યો કે કોઈ ટેન્શન વગર ચિલ કરીને રમો. હાર્દિક પંડ્યાએ જણાવ્યું કે આશૂ ભાઈની કોશિશ શાનદાર યૂનિટ તૈયાર કરવાની હતી, કેમકે તેઓ જ મેચ જીતાવતા હતા અને અમારો પ્લાન કામ કરી ગયો. ગુજરાત ટાઈટન્સ માટે ઓક્શનમાં આશિષ નેહરાએ જ કમાન સંભાળી હતી, ત્યાર બાદ ગેરી કર્ટસન અને તેમની જોડીએ કમાલ કરી બતાવી.