ગુડ ન્યૂઝ / સ્ટેચ્યુ ઓફ યુનિટીની મુલાકાત લેવા જતા પહેલાં આ જાણી લેજો, લાઈનમાં ઊભાં નહીં રહેવું પડે

• સ્ટેચ્યુ ઓફ યુનિટીએ એપ લોન્ચ કરી
• પ્રવાસી માટે ટીકીટ મેળવવી હવે સરળ
• હેલ્પલાઈન નંબર પરથી પણ માહિતી મેળવી શકાશે

સ્ટેચ્યૂ ઓફ યુનિટીની મુલાકાતે આવતા હજારો પ્રવાસીઓને સૌથી મોટો પ્રશ્ન ટિકિટ મેળવવાનો રહે છે. ૧૦ ટિકિટ બારી હોવા છતાં લાંબી લાઈનોમાં ઊભા રહેવું પડે છે. પરંતુ હવે સરળતાથી ટિકિટ મળી રહે તે માટે વહીવટી તંત્ર દ્વારા મોબાઈલ એપ લોન્ચ કરવામાં આવી છે. હવે ટિકિટ મોબાઇલ એપ પરથી પણ મેળવી શકાશે. ઉપરાંત  પ્રવાસીઓને અગવડ ન પડે તે માટે હેલ્પ લાઈન નંબર પણ જાહેર કરાયો છે. 

 
સ્ટેચ્યૂ ઓફ યુનિટીને લગતી કોઇ પણ પ્રકારની સહાયતા માટે ૧૮૦૦ ૨૩૩ ૬૬૦૦ ટોલ ફ્રી નંબર પર પ્રવાસીઓને સવારે ૮ વાગ્યાથી સાંજે ૬ વાગ્યા સુધી સંપૂર્ણ માહિતી મળી શકશે. કેટલીક લેભાગુ ટ્રાવેલ એજન્સીઓ પ્રવાસીઓને ટિકિટ આપવાના નામે છેતરપીંડી કરતી હોવાની ફરિયાદો મળી  છે.
 
સ્ટેચ્યૂના નામને  જોડી પ્રવાસીઓને છેતરવા માગતી વેબસાઈટને બ્લોક કરવામાં આવે તે અંગેની કાર્યવાહી પણ તંત્ર કરી રહ્યું છે. ગૂગલ પ્લે સ્ટોરમાં જઇને STATUE OF UNITY OFFICIAL એપ્લિકેશન ડાઉનલોડ કરવાની રહેશે અને બાદમાં OTP જનરેટ થશે. એપથી બુક કરાવેલી ટિકિટની પ્રિન્ય કાઢવાની જરૂર નહીં રહે