તમારા કામનું / આધારકાર્ડ શોધવા જવાની માથાકૂટથી છૂટકારો, આ રીતે Appમાં સેવ કરી લૉ આખા ફેમિલીની પ્રોફાઇલ

• સૌથી જરૂરી છે આધાર કાર્ડ 
• એક પ્લેટફોર્મ પર એક કરો આધાર કાર્ડ 
• આખી ફેમિલીના આધાર એક એપ પર

આજકાલના સમયમાં આધાર કાર્ડ સૌથી જરૂરી ડોક્યુમેન્ટ્સમાંથી એક છે. આધાર કાર્ડમાં દરેક નાગરિકોના બાયોમેટ્રિકની જાણકારી નોંધવામાં આવે છે. તેને બનાવતી વખતે તમારી આંગળીઓના નિશાન અને આંખોના રેટિનાને પણ સ્કેન કરવું પડે છે. 

મુસાફરીથી માંડીને હોટલમાં રહેવા સુધી બાળકોને શાળામાં પ્રવેશ, સરકારી યોજનાઓનો લાભ લેવા, બેંક ખાતું ખોલાવવા, મિલકત ખરીદવા સુધી દરેક જગ્યાએ આધાર કાર્ડ જરૂરી છે. આધાર કાર્ડની વધતી જતી ઉપયોગિતાને કારણે તેને સુરક્ષિત રાખવું ખૂબ જ જરૂરી છે.

mAadhaar એપમાં 5 પ્રોફાઇલ કરો એડ 
પરંતુ આધાર કાર્ડ સાથે રાખવાને કારણે તે ખોવાઈ જવાનો ખતરો છે. જો તમે આધાર કાર્ડ ખોવાઈ જવાની પરેશાનીથી બચવા માંગતા હોવ તો mAadhaar એપ પર આધાર કાર્ડની પ્રોફાઇલ સ્ટોર કરી શકે છે. UIDAIએ વર્ષ 2017માં આ એપ લોન્ચ કરી હતી. UIDAI એ જણાવ્યું છે કે mAadhaar એપ દ્વારા તમે તમારા સમગ્ર પરિવારની આધાર પ્રોફાઇલને એક જ જગ્યાએ સરળતાથી સ્ટોર કરી શકો છો. 

આમાં તમે 5 પ્રોફાઇલ (5 આધાર પ્રોફાઇલ) ઉમેરી શકો છો. આ એપથી તમને તમારું આધાર કાર્ડ ગુમ થવાનો ડર રહેશે નહીં. તો ચાલો તમને જણાવીએ કે mAadhaar એપમાં પ્રોફાઇલ કેવી રીતે એડ કરવી-

આ રીતે mAadhaar એપમાં એડ કરો પ્રોફાઇલ 

• આ માટે સૌથી પહેલા તમારા મોબાઈલમાં mAadhaar એપ ડાઉનલોડ કરો.
• આ પછી તમે આ એપમાં તમારો 12 અંકનો આધાર નંબર ભરો.
• આ પછી માંગેલી બધી માહિતી ભરો.
• તમારા રજિસ્ટર્ડ મોબાઈલ નંબર પર એક OTP આવશે, તેને એન્ટર કરો.
• આ પછી એપ તમારી પ્રોફાઇલ એડ કરશે.
• આ રીતે તમે સરળતાથી 5 આધાર પ્રોફાઇલ ઉમેરી શકો છો.