આજકાલની કાળઝાળ ગરમીમાં વિજળીનું બિલ એક મુખ્ય સમસ્યા રહે છે. જાણો અમુક ટિપ્સ જેથી વિજળીનાં બીલને કંટ્રોલમાં રાખી શકાય છે.
આજકાલ તાપમાન રહે છે ખૂબ જ હાઈ
ઘરમાં વિજળીનાં બિલની પણ છે સમસ્યા
અમુક ટ્રીક્સનાં ઉપયોગથી આ સમસ્યા થઇ શકે છે દૂર
ભારતમાં આ સમયે ભીષણ ગરમીનું વાતાવરણ રહે છે. આવામાં મોટાભાગના લોકો પોતાના ઘરમાં જ રહેવાનું પસંદ કરે છે. પરંતુ, વધારે તાપમાનને કારણે ઘરમાં પણ આરામ કરી શકતા નથી અને ગરમીથી પરેશાન થઇ જાય છે. તો આવો જાણીએ કે ક્યા પ્રકારે તમે તમારા ઘરને અમુક સરળ ટ્રીક્સ અપન્વીને ઠંડુ રાખી શકો છો.
ડેઝર્ટ કૂલરનો કરો ઉપયોગ
ગરમીની સિઝનમાં ડેઝર્ટ કૂલરનો ઉપયોગ કરવો જોઈએ. આ એસીની સરખામણીમાં માત્ર 10 ટકા વિજળીનો ઉપયોગ કરીને તમારા રૂમને ઠંડો કરી દે છે. ડેઝર્ટ કૂલર પોતાના ઘરમાં લગાવીને તમે ઓછા ખર્ચામાં ગરમીથી રાહત મેળવી શકો છો.
પરદાને ભીના કરીને રાખો
ગરમીથી બચવા માટે ઘરમાં પરદાઓને પાણીથી ભીના કરીને રાખો. પ્રાચીન મિસ્રમાં આ ટ્રીકનો ઉપયોગ કરવામાં આવતો હતો. પરદા ભીના હોવા પર ગરમી ઓછી માત્રામાં ઘરની અંદર આવે છે, જેથી તમારું ઘર ઠંડુ રહે છે.
Misting Fanનો કરો ઉપયોગ
ગરમી દૂર ભગાવવા અને પોતાના ઘરને થાળું રાખવા માટે Misting Fanનો ઉપયોગ કરવો જોઈએ. Misting Fan અટકી અટકીને પાણીને હવામાં ઉડાવે છે, જે આસપાસની ગરમીને શોષી લે છે અને બાશ્પિત થવા પર હવાને ઠંડી કરવામાં મદદ કરે છે.
સીલીંગ ફેન અને ACનો એકસાથે કરો ઉપયોગ
સીલીંગ ફેન ઠંડી હવા તો ફેંકતો નથી પણ હવાને રૂમમાં ફેલાવતો રહે છે. રૂમને ઠંડો રાખવા માટે તમે એસી ઓન રાખી શકો છો અને પછી થોડા સમય બાદ બંધ કરી શકો છો. ત્યાર બાદ સીલીંગ ફેન ઓન કરી દો જેથી ઠંડી હવાનો પ્રભાવ રહેશે અને ગરમીથી રાહત મળશે. સતત એસી ન ઓન રહેવાથી તમારો વિજળીનો ખર્ચ પણ ઓછો આવશે.
રૂમમાં લગાવો એનર્જી એફિશીઅન્ટ બલ્બ
ઘણા લોકો આજે પણ જુના ટાઈપનાં Incandescent Light Bulbનો ઉપયોગ કરે છે. આવા બલ્બ રૂમનાં તાપમાનને વધારી દે છે. ઘરમાં એનર્જી એફિશીઅન્ટ LED બલ્બનો જ ઉપયોગ કરવો જોઈએ. LED બલ્બ ઓછી વિજળીનાં ખર્ચમાં પ્રકાશ આપે છે અને ગરમી પણ વધારતા નથી.