તમે ભુખ્યા રહ્યાં વગર જો વજન ઉતારવા ઈચ્છતા હો તો તમે આજે અહીં આપેલા વેજિટેબલ ઉત્તપમની મદદ લઈ શકો છો. તે તમારી ડાયેટ ડિશમાં એકદમ ફીટ બેસે છે અને સાથે વજન નહીં વધવા દે.
ઘરે જ બનાવી લો વેજિટેબલ ઉત્તપમ
શરીરને જોઈતી કેલેરી આપવામાં કરશે તમારી મદદ
ડે પ્લાનમાં સામેલ કરો 1700થી ઓછી કેલેરીની વાનગી
તમારા શરીરમાં રહેલી વધારાની કેલેરી બાળવા ઉપરાંત તમારા બોડીને એનર્જીથી પણ ભરપુર રાખશે. તમારા ડે પ્લાનમાં 1700થી ઓછી કેલેરીની રોજની જરૂરિયાત હોય છે જે તમને આ રેસિપીમાંથી મળી રહેશે.
વેજિટેબલ ઉત્તપમ
સામગ્રી
-૩ કપ ચોખા
-૧ કપ અડદ દાળ
-૧ ટી સ્પૂન મેથી દાણા
-મીઠું સ્વાદ અનુસાર
-કાકડી, ટમેટા, કેપ્સિકમ, ડુંગળી
-લીલા મરચા, કોથમીર આ બધુ જ ઝીણું સમારીને મિક્સ કરી લો
રીત
ચોખા, દાળ તથા મેથી દાણાને અલગ અલગ પાણીમાં ૭ થી ૮ કલાક પલાળી રાખો. ત્યારબાદ દાળ – ચોખાને અલગ અલગ એક્દમ ઝીણું ક્રશ કરો. મેથી દાણાને પણ ક્રશ કરી એમાં ભેળવી દો. બધું મિક્સ કરી મીઠું નાખી ખીરાને ૭ થી ૮ કલાક આથો લાવવા રાખી મૂકો.આથો આવી જાય પછી બનાવતી વખતે ખીરામા પાણી ઉમેરી થોડું પાતળું કરો. અને એકાદ ચમચો તેલ ઉમેરો જેનાથી ઉત્તપમ પોચા બનશે.ત્યારબાદ નૉનસ્ટિક તવી પર ચમચા વડે ખીરુ પાથરી તેને ફેલાવી દો . ઉપરથી ઝીણા સમારેલા કાકડી, ટમેટા, કેપ્સિકમ, ડુંગળી, લીલા મરચા, કોથમીર આ બધુ જ ભભરાવી સહેજ દબાવી દો. અને ફરતે અને ઉપર જરા જરા તેલ છાંટીને ધીમા તાપે ચડવા દો. બંને બાજુ સારી રીતે ચડી જાય એટલે ઉતારીને સાંભાર સાથે પીરસો.