ઉદ્યોગપતિ અને રિલાયન્સ ઇન્ડસ્ટ્રીઝ લિનિટેડના અધ્યક્ષ મુકેશ અંબાણીએ સતત સાતમી વખત 'બર્કલે હુરુન ઇન્ડિયા રિચ લિસ્ટ 2018'માં સૌથી અમીર ભારતીયના રૂપમાં ઉચ્ચ સ્તર પર જગ્યા બનાવી છે. આ લિસ્ટ અનુસાર અંબાણીની દરરોજની કમાણીમાં કરોડોનો વધારો થયો છે. જાણો અંબાણી એક દિવસમાં કેટલા રૂપિયા કમાય છે અને એમની કુલં સંપત્તિ કેટલી છે.
આ યાદીમાં બીજા સ્થાન પર એસ.પી. હિન્દુજા એન્ડ ફેમિલી છે જેમની આશરે સંપત્તિ 1 58 000 કરોડ રૂપિયા છે.
ત્રીજા સ્થાન પર આર્સલપ મિત્તલની એલ.એન.મિત્તલ એન્ડ ફેમિલી છે. જેની અંદાજે સંપત્તિ 1 14 500 કરોડ રૂપિયા છે.
ત્યારબાદ વિપ્રોના અઝીમ પ્રેમજીનું નામ છે જેમની સંપત્તિ 96 100 કરોડ રૂપિયા છે.
જ્યારે સેરમ ઇન્સ્ટીટ્યૂટ ઓફ ઇન્ડિયાના સાઇરસ પૂનાવાલાની સંપત્તિ 73000 કરોડ રૂપિયા અદાણી ગ્રુપના ગૌતમ અદાણીની સંપત્તિ 71 200 કરોડ રૂપિયા અને શાપૂર જી પાલોનજી મિસ્ત્રીના સાઇરસ પી. મિસ્ત્રીની સંપત્તિ 69 400 કરોડ રૂપિયા છે.
દેશમાં 1000 કરોડ રૂપિયાથી વધારે સંપત્તિ રાખનાર લોકોની સંખ્યા વર્ષ 2017માં 617 હતી જે વર્ષ 2018માં વધીને 831 થઇ ગઇ છે. એવું રિપોર્ટમાં જણાવાયું છે.
રિપોર્ટ્સ અનુસાર મુકેશ અંબાણીની સંપત્તિમાં છેલ્લા એક વર્ષમાં 300 કરોડ રૂપિયા પ્રતિ દિવસનો વધારો થયો છે. એક વર્ષમાં રિલાયન્સ ઇન્ડસ્ટ્રીના શેરોનો ભાવ 45 ટકા સુધી વધી ચુક્યો છે. ત્યારે એમની અંદાજિત સંપત્તિ 3 71 000 કરોડ રૂપિયા છે.