બોલિવૂડ એક્ટર આદિત્ય રોય કપૂર અને દિશા પટની સ્ટારર ફિલ્મ મલંગ 7 ફેબ્રુઆરીએ રિલીઝ થઈ ચૂકી છે. ફિલ્મની કહાની ઘણી જ સરપ્રાઈઝિંગ છે અને ઓડિયન્સ અને ક્રિટિકની તરફથી ફિલ્મને પોઝિટિવ રિવ્યૂ પણ મળી રહ્યાં છે. મોટાભાગના દર્શકોનું કહેવું છે કે ફિલ્મ વિચારી હતી તેના કરતાં ઘણી સારી છે. ચાલો જાણીએ આ ફિલ્મના ફર્સ્ટ ડે બિઝનેસ વિશે.
આ ફિલ્મની કમાણીની વાત કરીએ તો ફિલ્મ પહેલાં દિવસે 6.71 કરોડ રૂપિયાની કમાણી કરી છે. મલંગની સાથે 6 અન્ય ફિલ્મો પણ રિલીઝ થઈ છે. જેમાં શિકારા અને હેક્ડ જેવી ફિલ્મો પણ સામેલ છે અને મલંગનું બિઝનેસ આ ફિલ્મો કરતાં ઘણું સારું છે.
#Malang is decent on Day 1... Should’ve grossed higher given its genre... National multiplexes contribute 50%+ of Day 1 biz... Mass circuits low... Needs to show more than normal jump on Day 2, though biz in #Delhi will be limited... Fri ₹ 6.71 cr. #India biz.
આદિત્ય અને દિશા સિવાય ફિલ્મમાં અનિલ કપૂર અને કુણાલ ખેમૂ પણ છે. કુનાલનો રોલ ટ્રેલરમાં ઘણો ઓછો જોવા મળે છે પણ તેનો રોલ સરપ્રાઈઝ પેકેજ છે ઘણો રસપ્રદ છે. ફિલ્મની પબ્લિસિટી જોતાં એવું લાગે છે કે ફિલ્મ આગળ સારો બિઝનેસ કરી શકે ચે.
આ ફિલ્મની કહાની અદ્વૈત ઠાકુર એટલે કે આદિત્યની છે. જે તેના પ્રેમ સારા (દિશા પટની)ને ગુમાવ્યા બાદ આખા શહેરના પોલીસવાળાઓના લોહીનો તરસ્યો થઈ જાય છે. અદ્વૈત 24 ડિસેમ્બરની રાતે મેનહંટ પર નીકળે છે અને તેના ફર્સ્ટ મર્ડર પહેલાં અનિક કપૂર (પોલીસવાળો)ને ફોન કરીને કહે છે કે, તેને એક મર્ડરની રિપોર્ટ લખાવવી છે અને આ રીતે ફિલ્મ ટ્વિસ્ટ અને મિસ્ટ્રી સાથે આગળ વધે છે.