IPL 2023 / ચીયરલીડર્સની જિંદગીનું કડવું સત્ય: માત્ર ડાન્સના દમ પર નથી મળતી જોબ, જાણો કેટલી હોય છે સેલેરી

• પહેલા પુરૂષો કરતા હતા ચીયરલીડિંગનું કામ 
• 1940 બાદ મહિલાઓ કરવા લાગી આ કામ 
• જાણો એક સીઝનમાં કેટલી હોય છે તેમની સેલેરી 

15 વર્ષ પહેલા 2008માં જ્યારે IPLની શરૂઆત થઈ તો ચીયરલીડર્સે પણ બધાનું ધ્યાન પોતાના તરફ ખેચ્યું. ચોગ્ગા-છગ્ગા વાગવા પર ડાન્સ કરતી ચીયરલીડર્સ વિદેશથી આવે છે. આ ચીયરલીડર્સ વિદેશથી દર વર્ષે આઈપીએલનો ભાગ બનવા માટે ભારત આવે છે. આ ચીયરલીડર્સને કેટલા પૈસા મળે છે? આવો જાણીએ....

ક્યાંથી આવે છે આ ચીયરલીડર્સ
IPLની આ ચીયરલીડર્સ એજન્સીઓ દ્વારા યુરોપના નાના-મોટા દેશોમાંથી આવે છે. લોકોને લાગે છે કે નાના કપડા પહેરીને ડાન્સ કરનાર આ યુવતીઓ શિયન હશે. પરંતુ આમ નથી. આ યુવતીઓ પ્રોફેશનલ ડાન્સર્સ હોય છે. 

ઘણા દેશોમાં ફરી-ફરીને પરફોર્મ કરે છે. યુરોપિયન દેશોમાં ચીયરલીડિંગ એક પ્રોફેશન બની ચુક્યું છે. તમે વિચારી રહ્યા હશો કે ફક્ત ડાન્સ આવડવો જ આ પ્રોફેશનની એક માત્ર શરત છે તો આમ નથી. 

વિદેશોમાં ચીયરલીડર્સને ફોર્મેશન્સ પણ બનાવવાના હોય છે. જેના માટે શરીરનું લચીલુ હોવું જરૂરી છે. તેના માટે વધારે મહેનત અને ટ્રેનિંગની જરૂર હોય છે. એવું જ હાર્ડવર્ક જે મેદાન પર ખેલાડી કરે છે.   

કેટલી હોય છે સેલેરી? 
ચીયરલીડર્સને વધારે સેલેરી મળે છે. ફ્રેન્ચાઈઝી એક સીઝન માટે તેમના સાથે કોન્ટ્રાક્ટ કરે છે. જે લગભગ 20 હજાર ડોલર સુધી હોય છે. એટલે કે ભારતીય કરન્સીના હિસાબથી લગભગ 17 લાખ રૂપિયા. તેના ઉપરાંત પાર્ટી પરફોરમન્સ બોનસ, એલિમિનેટર બોનસ અલગ હોય છે. 

યુરોપિયન ચીયરલીડર્સ અને કોઈ અન્ય દેશમાંથી આવેલી ચીયરલીડર્સની સેલેરીમાં મોટો ફેર હોય છે. ડાન્સરની ઉંમર, સુંદરતા, અનુભવ અને ફિઝિક પર પણ સેલેરી નિર્ભર કરે છે. મેચ બાદ અથવા તેના પહેલા સાંજની પાર્ટીઓમાં પ્રદર્શન કરવા પર પણ ચીયરલીડર્સને વધારે પૈસા મળે છે. જોકે આ ચીયરલીડર્સનું માનવું છે કે તે જેટલી મહેનત કરે છે તેના હિસાબ પર તેમની સેલેરી ઓછી છે. 

દર્શકોની અશ્લીલ નજર 
એક જુના ઈન્ટરવ્યૂમાં દિલ્હી કેપિટલ્સની ચીયરલીડર્સે કહ્યું હતું કે ભારતમાં તેમને કોઈ સેલિબ્રિટિ જેવો અનુભવ થાય છે. લોકો તેમની સાથે સેલ્ફી લેવાની માંગ કરે છે. પરંતુ અમુક લોકો વાતાવરણ ખરાબ કરનાર પણ હોય છે. 

જ્યારે અમે પોડિયમ પર ડાન્સ કરીએ છીએ તો ખરાબ નજરનો સામનો કરવો પડે છે. ચીયરલીડિંગ અમારૂ પ્રોફેશન છે. લોકો અમારા શરીર પર ટિપ્પણી કરે છે. ભદ્દા ઈશારા કરે છે. લાગે છે કે ભીડમાંથી નજર અમારા પર હોય છે. પરંતુ અમે પ્રોફેશનલી તેનો ઉકેલ લાવીએ છીએ.