કોરોના વાયરસનો કહેર અત્યારે સમગ્ર દુનિયામાં ફેલાઈ રહ્યો છે. અત્યાર સુધી ચીનમાં જ આ વાયરસને કારણે 3000 જેટલા લોકોના મૃત્યુ થયા છે અને હવે ભારતમાં પણ કોરોના વાયરસએ પ્રવેશ કરી લીધો છે. કોરોના વાયરસના ખતરાને કારણે દુનિયાભરમાં અનેક મોટી ઇવેન્ટનું આયોજન કેન્સલ કરવામાં આવી રહી છે અને હવે ફિલ્મ ઇન્ડસ્ટ્રીના સૌથી મોટા એવોર્ડ ફંકશન આઇફા એવોર્ડ્સને પણ કેન્સલ કરી દેવામાં આવ્યું છે. માર્ચના અંતમાં યોજાનાર IIFA Awards 2020 હવે અનિશ્ચિત સમય માટે પોસ્ટપોન્ડ કરવામાં આવ્યો છે.
કોરોના વાયરસે સમગ્ર દેશમાં મચાવ્યો હાહાકાર
કોરોનાને કારણે અનેક મોટી ઇવેન્ટનું આયોજન કેન્સલ કરવામાં આવી રહી છે
હવે સૌથી મોટા એવોર્ડ ફંકશન આઇફા એવોર્ડ્સને પણ કેન્સલ કરી દેવામાં આવ્યું છે
આ વખતે આઇફા એવોર્ડ મધ્યપ્રદેશના ઇન્દોરમાં થવાનો હતો. પણ હવે આ એવોર્ડની કમેટીએ આ મામલે ઓફિશિયલી નિવેદન જાહેર કરીને તેને પોસ્ટપોન્ડ કરવાન જાહેરાત કરી છે. આઈફા દ્વારા જાહેર કરાયેલા નિવેદન મુજબ, કોરોના વાયરસના કારણે એવોર્ડ હવે નક્કી કરેલી તારીખે નહીં યોજવામાં આવે. આઇફા ફેન્સની સુરક્ષા અને સ્વાસ્થ્ય માટે જનરલ કમેટી, ફિલ્મ ઇન્ડસ્ટ્રીના લોકો અને મધ્યપ્રદેશ સરકારની સલાહ પછી આઇફા 2020 એવોર્ડને પોસ્ટપોન્ડ કરવાનો નિર્ણય કરવામાં આવ્યો છે.
Who are you rooting for the ‘Performance In A Leading Role (Male)’ award this year?
આઇફાએ કહ્યું કે, આ એવોર્ડ માર્ચના અંતમાં યોજાવાનો હતો. આ એવોર્ડ્સ અંગેની જાણકારી અને ડેટ અમે જલ્દી ડિક્લેર કરીશું. આ કાર્યક્રમને સ્થગિત કરવાના કારણે થયેલી મુશ્કેલીઓ માટે અમે માફી માંગીએ છીએ અને આશા કરીએ છીએ કે, તમે પરિસ્થિતિની સંવેદનશીલતાને સમજશો.
ઉલ્લેખનીય છે કે, હજી બે દિવસ પહેલાં જ કાર્તિક આર્યન, કેટરીના કૈફ અને દિયા મિર્ઝાએ આ વખતના આઇફા એવોર્ડની તારીખો અને બાકીની જાણકારીઓ માટે મુંબઇમાં પ્રેસ કોન્ફરન્સ કરી હતી.