જાણો ક્યારથી તમારા ફોનમાં 5G સિગ્નલ્સ આવવા લાગશે? 5G નેટવર્ક માટે નવા સિમ કાર્ડની જરૂર છે કે નહીં વગેરે જેવી તમામ બાબતો.
ભારતમાં 5G લોન્ચ
Vi યુઝર્સે જોવી પડશે રાહ
Airtel યુઝર્સને મળવા લાગ્યા 5G સિગ્નલ્સ
5G નેટવર્ક ભારતમાં સત્તાવાર રૂપથી લોન્ચ થઇ ગયું છે. ભલે બધા ટેલીકોમ ઓપરેટર્સ હજુ 5G સર્વિસ પ્રોવાઈડ ન કરી રહ્યા હોય, પણ લોકોનાં ફોન્સમાં 5G નાં સિગ્નલ્સ આવવા લાગ્યા છે. ઘણા એવા પણ યુઝર્સ છે, જેમણે પોતાના સ્માર્ટફોનમાં સિગ્નલની રાહ હશે. તમારા ફોનમાં ક્યાર સુધીમાં 5G સિગ્નલ આવશે, એ વાત ઘણી બધી બાબતો પર આધાર રાખે છે.
તમે ક્યા ઓપરેટરની સર્વિસ યૂઝ કરો છો અને ક્યા રહો છો - શરૂઆતમાં આ બે પોઈન્ટ સૌથી મહત્વના છે. ઘણા યુઝર્સનાં ફોનમાં 5G સિગ્નલ્સ આવવા લાગ્યા છે, જ્યારે ઘણા યુઝર્સને એમ પણ થયું હશે કે આ માટે શું તેમણે નવું 5G SIM Card ખરીદવું પડશે? આવા જ અમુક સવાલોનાં અમે જવાબ લઈને આવ્યા છીએ.
ક્યાર સુધીમાં મળશે 5G સિગ્નલ્સ?
જો તમે દિલ્હી, મુંબઈ, ચેન્નાઈ અને કોલકાતામાં રહો છો, તો તમને 5G સિગ્નલ્સ સૌથી પહેલા મળશે. જોકે, આ મામલામાં અલગ - અલગ ઓપરેટર્સનું અલગ - અલગ પ્લાનિંગ છે. 1 ઓક્ટોબરનાં રોજ 5G લોન્ચ થતા જ 8 શહેરોમાં Airtel યુઝર્સને 5G સિગ્નલ્સ મળવા લાગ્યા છે.
Airtel યુઝર્સને મળવા લાગ્યા 5G સિગ્નલ્સ
Airtel 5G સિગ્નલ્સ વારાણસી, દિલ્હી, મુંબઈ, કોલકાતા, સિલીગુડી, બેંગ્લોર, ચેન્નાઈ અને હૈદરાબાદમાં આવી રહ્યા છે. આમાં તમને આખા શહેરમાં હાલમાં સિગ્નલ નહીં મળે.
કંપની ધીરે - ધીરે સર્વિસ રોલ આઉટ કરશે. ટેલીકોમ ઓપરેટરે અત્યાર સુધી પોતાના પ્લાન્સની માહિતી શેર કરી નથી. જ્યારે એરટેલે માર્ચ 2024 સુધીમાં આખા દેશમાં પોતાની 5G સર્વિસ રોલઆઉટ કરવાની વાત કરી છે.
JIO યુઝર્સને ક્યાર સુધીમાં મળશે સર્વિસ?
દેશના સૌથી મોટા ટેલીકોમ ઓપરેટર JIOની વાત કરીએ તો કંપની દિવાળી સુધીમાં પોતાની સર્વિસ લાઈવ કરી શકે છે, એટલે કે ઓક્ટોબરના અંત સુધીમાં ઘણા શહેરો માટે જીયો યુઝર્સના ફોનમાં સિગ્નલ આવવા લાગશે. RIL ચેરમેન મુકેશ અંબાણીએ IMC 2022માં જણાવ્યું હતું કે આવતા વર્ષનાં અંત સુધીમાં એટલે કે 2023 સુધીમાં આખા દેશમાં 5G સર્વિસ રોલ આઉટ થઇ જશે.
આ પહેલા જીયોએ જાણકારી આપી હતી કે દિવાળી સુધીમાં દિલ્હી, મુંબઈ, કોલકાતા, ચેન્નાઈમાં સર્વિસ રોલઆઉટ થઇ જશે. કંપનીએ હજુ સુધી રીચાર્જ પ્લાન્સ પર જાણકારી આપી નથી. જોકે, મુકેશ અંબાણીએ IMC 2022માં જણાવ્યું હતું કે જીયોની સર્વિસ અફોર્ડેબલ હશે.
Vi યુઝર્સે જોવી પડશે રાહ
વોડાફોન આઈડિયાએ પણ 5G રોલઆઉટની તૈયારીઓ પર કામ શરુ કરી દીધું છે. જોકે, કંપનીએ લોન્ચ ડેટની કોઈ જાણકારી આપી નથી. આ પહેલા Viએ કહ્યું હતું કે તે પોતાની 5G સર્વિસનાં હિસાબે લાઈવ કરશે. જ્યારે લેટેસ્ટ રીપોર્ટસ અનુસાર, કંપની આવતા અમુક વર્ષોમાં પોતાની સર્વિસ લાઈવ કરશે.
શું તમારે નવું સિમ કાર્ડ ખરીદવું પડશે?
હાલમાં આવો કોઈ નિયમ નથી. એરટેલ યુઝર્સને હાલના સિમ કાર્ડ પર જ સિગ્નલ મળી રહ્યા છે. કંપનીએ પહેલા જ જાણકારી આપી હતી કે યુઝર્સને નવા સિમ કાર્ડની જરૂર નહીં પડે, પણ એક 5G સ્માર્ટ ફોનની જરૂર પડશે. જીયો યુઝર્સ સાથે પણ આવું જ થવું જોઈએ.
જીયોએ પોતાની 5G સર્વિસને Jio True 5G નામ આપ્યું છે. કંપની સ્ટેન્ડ અલોન નેટવર્ક તૈયાર કરી રહી છે. આમાં યુઝર્સને શાનદાર સ્પીડ અને કનેક્ટીવીટી મળશે. જીયોએ સીમ કાર્ડના મામલામાં હાલમાં જોઈ જાણકારી આપી નથી.