સાઇબર સુરક્ષાને લઇને વધી રહેલી ચિંતાઓ વચ્ચે શું તમે આ વાતથી ચિંતિત છો કે કોઈ તમારું જીમેલ એકાઉન્ટ હેક કરી રહ્યું છે? કોઈ હેકર તમારા જીમેલ સુધી પહોંચી જાય અને તે તમારા ઈમેલ સાથે જોડાયેલો બધો ડેટા અને અન્ય એકાઉન્ટને હેક કરી લે તો? આ નિશ્ચિત રીતે ભયજનક છે.
કોઈ તમારું જીમેલ એકાઉન્ટ તો હેક કરતુ નથી ને?
તમારું જીમેલ એકાઉન્ટ હેક થયુ હોય તો આ રીતે કરો ચેક
એકાઉન્ટની સુરક્ષાને મજબૂત કરવા માટે કરી શકો છો આ ઉપાય
દરેક સમસ્યાનું સમાધાન હોય છે, તેમ અહીં પણ એવુ છે. આજે અમે તમારી આ સમસ્યાનું સમાધાન લઇને આવ્યા છે અને તમને જણાવી રહ્યાં છે કે કેવીરીતે તમે આ ચેક કરી શકો છો કે તમારું જીમેલ એકાઉન્ટ હેક થયુ છે કે નહીં અને પોતાના એકાઉન્ટની સુરક્ષાને મજબૂત કરવા માટે કયા-કયા ઉપાય કરી શકો છો.
તમારું Gmail એકાઉન્ટ કોઈએ હેક તો કર્યુ નથી ને? આ રીતે કરો ચેક
સૌથી પહેલા તમારે ગૂગલ ક્રોમ બ્રાઉઝર પર ફ્રી પાસવર્ડ ચેકઅપ સૉફ્ટવેર ડાઉનલોડ કરવુ પડશે. ઈન્સ્ટોલ થયા બાદ ક્રોમ એક્સટેન્શન તમારા લૉગઇન ક્રેડેન્શિયલને ચેક કરશે.
જો તમારો યૂઝરનેમ અને પાસવર્ડ ગૂગલના ડેટાબેસમાં રહેલા 4 કરોડમાંથી કોઈ પણ એવા પાસવર્ડથી મેચ કરશે, જે લીક થયો છે. તો સૉફ્ટવેર તમને એલર્ટ કરશે.
ત્યારબાદ તમારી સ્ક્રીન પર એક મેસેજ જોવા મળશે. જેમાં તમને સંબંધિત વેબસાઈટના પાસવર્ડ ચેકઅપની જાણકારી આપવામાં આવશે. આ ફીચરની મદદથી તમે બ્રાઉઝર પર સેવ કોઈ પણ પાસવર્ડને ચેક કરી શકો છો. તમને ડેટા લીક થયાની માહિતી મળી જશે.
જો તમારું એકાઉન્ટ હેક થયુ છે, તો તેને સુરક્ષિત કરવા માટે તમારે કેટલાંક સરળ સ્ટેપને ફોલો કરવા પડશે. સૌથી પહેલા તમારે તમારા એકાઉન્ટનો પાસવર્ડ બદલવો પડશે. ફક્ત Gmail જ નહીં, પરંતુ તમારે એવા બધા સર્વિસનો પાસવર્ડ બદલવો જોઈએ, જે લીકથી પ્રભાવિત થયા છે.
Gmail એકાઉન્ટને બનાવો વધુ સુરક્ષિત
એકાઉન્ટ રિક્વરી પેજ પર જાઓ.
જો તમને પાસવર્ડ યાદ નથી તો અલગ-અલગ પ્રશ્નોના જવાબ આપો.
પોતાના રિક્વરી ઈમેલ અથવા ફોન નંબરનો ઉપયોગ કરો.
જ્યારે જીમેલ તમારા એકાઉન્ટના માલિકી હકને નક્કી કરવા માટે તે ફોન નંબર અથવા ઈમેલ પર એક રિકવરી કોડ મોકલશે.
આ સિવાય તમે એવી સિક્યોરિટીના સવાલનો જવાબ પણ આપી શકો છો. જે તમે એકાઉન્ટ સેટઅપ કરતી સમયે બનાવ્યું હશે.
એક વખત રિકવરી કોડ રિસીવ કર્યા બાદ જીમેલમાં તેને એન્ટર કરો અને પછી ગૂગલ તમને પાસવર્ડ બદલવાનુ કહેશે.
સાઇનઇન કર્યા બાદ જીમેલ તમારી પાસે એક વખત સિક્યોરિટી ચેક કરવા માટે કહેશે. ધ્યાન રાખો કે સિક્યોરિટી ચેક કરી લો અને પછી પોતાની સિક્યોરિટી ઈન્ફર્મેશન બદલી નાખો.