SBI સોવરેન ગોલ્ડ બોન્ડને ઓનલાઈન ખરીદવાની સુવિધા આપી રહી છે. અહીં માર્કેટ રેટથી 500 રૂપિયા સસ્તુ સોનું ખરીદી શકાશે.
SBI ઘરે બેઠા આપી રહી છે આ સુવિધા
માર્કેટ રેટથી 500 રૂપિયા સસ્તુ મળશે સોનુ
SBIની સોવરેન ગોલ્ડ બોન્ડને ઓનલાઈન ખરીદવાની સુવિધા
જો તમે પણ સસ્તુ સોનું ખરીદવાનો પ્લાન બનાવી રહ્યા છો તો તમારી પાસે ખાસ અવસર છે. મોદી સરકારની સોવરેન ગોલ્ડ બોન્ડ સ્કીમમાં તમે 1 માર્ચથી 5 માર્ચ સુધી રોકાણ કરી શકો છો. સોવરેન ગોલ્ડ બોન્ડ યોજનામાં બોન્ડનો ભાવ 4662 પ્રતિ ગ્રામ નક્કી કરવામાં આવ્યો છે. દેશની સૌથી મોટી બેંક એટલે કે ભારતીય સ્ટેટ બેંક ઓનલાઈન સોવરેન ગોલ્ડ બોન્ડ ખરીદવાની સુલિધા આપી રહી છે.
કોણ કેટલું ખરીદી શકે છે સોનું
રોકાણકાર કર્મશિયલ બેંક, સ્ટોક હોલ્ડિંગ કોર્પોરેશન ઓફ ઈન્ડિયા લિમિટેડ, આરબીઆઈ દ્વારા નામિત પોસ્ટ ઓફિસ અને માન્યતા પ્રાપ્ત એક્સચેન્જથી ગોલ્ડ બોન્ડ ખરીદી શકાય છે. સ્કીમના આધારે વ્યક્તિગત રોકાણકારો અને હિંદુ અવિભાજિત પરિવાર એક વર્ષમાં ઓછામાં ઓછું 1 ગ્રામ અને વધારેમાં વધારે 4 કિલોગ્રામ સોનું ખરીદી શકે છે. ટ્રસ્ટ અને અન્ય સંસ્થાઓ દર વર્ષે 20 કિલોગ્રામ સોનું ખરીદી શકે છે.
500 રૂપિયા પ્રતિ 10 ગ્રામ સસ્તુ મળશે સોનું
ઓનલાઈન અરજી કરવા અને ડિજિટલ રીતે પેમેન્ટ કરવા માટે રોકાણકારને પ્રતિ ગ્રામ 50 રૂપિયાની છૂટ મળે છે. એવામાં જો તમે ઓનલાઈન સોવરેન ગોલ્ડ બોન્ડમાં રોકાણ કરો છો તો તમને 500 રૂપિયા પ્રતિ 10 ગ્રામની છૂટ મળે છે.
SBIની મદદથી સોવરેન ગોલ્ડ બોન્ડમાં આ રીતે કરો રોકાણ
SBI નેટ બેંકિંગમાં લોગ ઈન કરો.
eServices પર ક્લિક કરો અને Sovereign Gold Bond પર જાઓ.
નિયમ અને શરતો પર ક્લિક કરો અને ‘proceed’ પર ક્લિક કરો.
રજિસ્ટ્રેશન ફોર્મ ભરો. આ વન ટાઈમ રજિસ્ટ્રેશન છે.
હવે સબમિટ પર ક્લિક કરો.
પર્ચેઝ ફોર્મમાં સોનાનું પ્રમાણ અને નોમિનીની વિગતો ભરો.
હવે સબમિટ પર ક્લિક કરો.
Get returns and safety together!
6 golden reasons to invest in Sovereign Gold Bonds.
SBI customers can directly invest on INB under e-services.
એસબીઆઈએ એક ટ્વિટમાં સોવરેન ગોલ્ડ બોન્ડમાં રોકાણ કરવાના 6 ફાયદા પણ બતાવ્યા હતા. ઈન્ટરેસ્ટ ઈનકમ પર ટેક્સ લાગે છે જ્યારે બોન્ડ રીડિમ કરવા સમયે કેપિટલ ગેન સંપૂર્ણ રીતે ટેક્સ ફ્રી છે.