કામની વાત / આ ભૂલોના કારણે વધે છે તમારું લાઈટબિલ, જાણો અને આજથી જ બદલી લો ખાસ આદતો

• આ ભૂલોના કારણે વધે છે તમારું લાઈટબિલ
• આજથી જ બદલી લો ખાસ આદતો
• જાણો કઈ આદતોમાં લાવવાનો રહેશે ફેરફાર

સામાન્ય રીતે લાઈટબિલ 2 મહિને આવે છે, અનેક વાર એવું બને છે કે તે વધારે આવતા આપણને આશ્ચર્ય થાય છે. પરંતુ શું તમે જાણો છો કે લાઈટબિલ વધારે આવવામાં તમારી કેટલીક ભૂલો પણ જવાબદાર હોય છે. અનેકવાર નાની વાતો પર ધ્યાન ન આપવાના કારણે તમારું બિલ વધી જાય છે. તો જાણો આ ભૂલો અને બદલી લો તમારી આદત. બચી જશે ઘણા રૂપિયા. 

લેપટોપ કે કમ્પ્યુટરને સ્લીપ મોડમાં ન રાખો, શટડાઉન કરો
અનેક લોકો વર્ક ફ્રોમ હોમમાં કામ કરી રહ્યા છે. આ સમયે જ્યારે બ્રેક લો ત્યારે તમારા કમ્પ્યુટર કે લેપટોપને સ્લીપ મોડ પર ન રાખો. તેને મોનીટરથી ઓફ કરો. અથવા શટ ડાઉન કરો. કામ પૂરું થયું હોય તો પાવરને સ્વીચ ઓફ કરી લો. 

ઘરેથી બહાર જતા આ વસ્તુઓ કરી લો ચેક
જો તમે ક્યાંક બહાર જઈ રહ્યા છો તો પહેલા ઘરના લાઈટ, પંખા, ગીઝર, મિક્સર, ચિમની, ઈલેક્ટ્રિક ગેસ, ઈન્ડક્શન, કૂકર, એસી જેવી ચીજોની સ્વીચ બંધ છે કે નહીં તે ચેક કરો. જો આ વસ્તુઓ ચાલુ રહી જશે તો પણ તમારું બિલ વધી શકે છે. ક્યારેક એવું બને કે લાઈટ જતી રહી હોય તો આ સ્વિચ ચાલુ રહી જાય. 

એલઈડી બલ્બનો કરો ઉપયોગ
નોર્મલ બલ્બના બદલે એલઈડી બલ્બમાં લાઈટ ઓછી વપરાય છે અને પ્રકાશ પણ વધારે મળે છે. આ માટે નોર્મલ બલ્બને બદલે એલઈડી બલ્બનો ઉપયોગ કરો.  

ફ્રિઝને ડિફ્રોસ્ટ કરતા રહો
અનેક વાર ફ્રિઝમાં વધારે બરફ જામી જાય છે અને પછી તેનો કુલિંગ પાવર ઘટે છે. આ સમયે ચીજો યોગ્ય રીતે ઠંડી થઈ શકતી નથી. જેના કારણે વીજળીનો ઉપયોગ વધારે થાય છે. સમયાંતરે ફ્રિઝને ડિફ્રોસ્ટ કરતા રહો અને સાથે ખાવાનું ઠંડું થાય તો ફ્રિઝમાં રાખો.  

ટીવીમાં સેટ કરો ટાઈમર
અનેકવાર એવું બને છે કે ટીવી જોતા જોતા લોકો રાતે સૂઈ જાય છે અને ટીવી કારણ વિના ચાલુ રહે છે, જેનાથી લાઈટ વધુ વપરાય છે. આ માટે ટીવીમાં ટાઈમર સેટ કરી લો જેનાથી તમે સૂતા બાદ પણ ટીવી આખી રાત કારણ વિના નહીં ચાલે.  
  

વધારે ભીના કપડાંને પ્રેસ ન કરો
અનેકવાર ઉતાવળના કારણે આપણે ભીના કપડાંને પ્રેસ કરી લઈએ છીએ. અનેક વાર તમે કામને સરળ બનાવવા માટે સૂકા કપડાને ભીના કરીને પ્રેસ કરો છો. તેનાથી લાઈટ વધારે વપરાય છે. કપડા પર પાણીના છીંટા નાંખીને પછી તેને પ્રેસ કરો. લાઈટની પણ બચત થશે.