શિયાળામાં જો સ્વાસ્થ્યનું ધ્યાન ન રાખવામાં આવે તો શરદી ઉધરસ, તાવ જેવી બીમારી તરત થઈ જાય છે. એટલા માટે જ દરેક ઘરમાં શિયાળામાં વસાણા બનતા હોય છે. વિવિધ પ્રકારના પાક ખાવાથી શરીરમાં આંતરીક ગરમી જળવાઈ રહે છે અને બીમારી નડતી નથી. જેથી આજે અમે તમને સૂંઠના લાડુની એકદમ અલગ અને બેસ્ટ રેસિપી જણાવીશું, રોજ 1 આ લાડુ સવારે ખાઈ લેવાથી તમારા ઘરમાં કોઈને પણ શરદી, ખાંસી કે કફ નહીં થાય.
સૌથી પહેલાં એક નોન સ્ટીક પેનમાં ઘી ગરમ કરો. પછી તેમાં ગોળ નાખી ઓગાળી લો. પછી તેમાં હળદર, મરી પાઉડર, ગંઠોળા પાઉડર અને સૂંઠ પાઉડર નાખી બરાબર મિક્સ કરી લો. સ્વાદ વધારવા તમે તેમાં 3 ચમચી અધકચરી વાટેલી સાકર નાખીને મિક્સ કરવી. ગેસ બંધ કરી છેલ્લે નાની નાની લાડુડી બનાવી લેવી.