રેસિપી / દિવાળીમાં બનાવો ડિલિશિયસ, સસ્તી અને એકદમ બજાર જેવી પૌઆની યૂનિક બરફી, બધાં ખાતાં રહી જશે

સામગ્રી

1 વાટકી પૌઆ
3-4 ચમચી ઘી
ડ્રાયફ્રૂટ્સ કતરેલાં
2 ચમચી રોઝ સિરપ
અડધો કપ ખાંડ
1 કપ દૂધ
અડધો કપ મિલ્ક પાઉડર

રીત

સૌથી પહેલાં એક બાઉલમાં પૌઆ લઈને તેને 4-5 વખત વોશ કરી લેવા. હવે એક પેનમાં 3-4 ચમચી ઘી લેવું. પછી નિતારેલા પૌઆ ઘીમાં ડ્રાય રોસ્ટ કરી લેવા. પછી તેમાં એક કપ ગરમ કરીને ઠંડુ કરેલું દૂધ નાખો. હવે 5 મિનિટ મિક્સ કરીને સતત હલાવો. પછી તેમાં અડધો કપ ખાંડ, અડધો કપ નારિયેળની છીણ અને પા કપ મિલ્ક પાઉડપ નાખીને બરાબર બધું મિક્સ કરી દો. સતત ચલાવતા રહો. 5 મિનિટ બાદ બરફી થિક થવા લાગે એટલે ગેસ બંધ કરી દો. છેલ્લે તેમાં એક ચમચી રોઝ એસેન્સ અને અડધી ચમચી એલચી પાઉડર નાખી દો. પછી એક ટીન કે થાળીને ઘીથી ગ્રીસ કરીને અથવા બટર પેપર મૂકીને બરફીનું અડધું મિક્સ્ચર પાથરી દો અને અડધાં મિક્સ્ચરમાં 2 ચમચી રોઝ સિરપ નાખીને તેને 5 મિનિટ ગેસ પર કૂક કરી લો. બસ પછી એ જ ટીન કે થાળીની ઉપર આ મિક્સ્ચર પાથરી દો. પછી તેની પર કતરેલાં ડ્રાઈફ્રૂટ્સ નાખીને ગાર્નિશ કરો. 1 કલાક પછી તમારી બરફી સેટ થઈ જશે. દિવાળીમાં ખૂબ ખાઓ અને મહેમાનોને પણ ખવડાવો આ ટેસ્ટી બરફી.