રેસિપી / નવી રીતથી બનાવી લો આ ટેસ્ટી, ક્રિસ્પી અને મજેદાર પુરીની રેસિપી, એકદમ ઝટપટ બની જશે

સામગ્રી

2 કપ ઘઉંનો લોટ
અડધી કપ રવો
1 ચમચી તલ
ચપટી હિંગ
અડધી ચમચી લાલ મરચું
અડધી ચમચી હળદર
4 ચમચી ઘી મોણ માટે 
અડધી ચમચી જીરું
અડધી ચમચી મરી પાવડર
મીઠું સ્વાદ પ્રમાણે 
1 વાટકી લીલી મેથી ઝીણી સમારેલી
તેલ જરૂર મુજબ

રીત

સૌથી પહેલા મેથીને ધોઈને સાફ કરો અને ઝીણી સમારી લો. હવે એક મોટા વાસણમાં મેથી, ઘઉંનો લોટ અને રવો ઉમેરો.આ મિશ્રણમાં જીરું, મરી પાવડર, મીઠું, મરચું, હળદર, તલ અને ઘી નાખીને મિક્સ કરો. હવે જરુર પ્રમાણે પાણી નાખીને લોટ તૈયાર કરો. હવે વધારે જાડી પણ નહીં અને વધારે પડતી પાતળી પણ નહીં તેવી નાની નાની પુરીઓ વણી લો. પછી તેમાં ફોકની મદદથી વચ્ચે થોડાં કાણાં કરી દો. જેનાથી તમારી પુરી એકદમ ક્રિસ્પી બનશે. પછી એક પેનમાં તેલ ગરમ કરો અને તેલ ગરમ થયા પછી મીડિયમ ફ્લેમ પર ડીપ ફ્રાય કરો. તમારી ટેસ્ટી અને ક્રિસ્પી મેથીની પૂરી તૈયાર છે. આ પુરી તમે ચા, કોફી, અથાણું, સોસ સાથે અથવા એકલી પણ ખાઈ શકો છો.