ઉનાળામાં સ્વાદિષ્ટ લાગે તેવા મેંગો આઇસ્ક્રીમને ઘરે બનાવવાની સરળ પદ્ધતિ આજે જ જાણી લો.
ઉનાળો એટલે કે કેરીની સીઝન
ગરમીમાં કેરીનો આઇસ્ક્રીમ ખૂબ જ સ્વાદિષ્ટ લાગે છે
જાણો આ આઇસ્ક્રીમ બનાવવાની સરળ રીત
ઉનાળો એટલે કે કેરીની સીઝન
ઉનાળો આવતા જ લોકોને કેરી ખાવાની રાહ રહે છે. કેરીમાંથી મીઠાઈ, આઇસ્ક્રીમ, શેક વગેરે ઘણા પ્રકારની સ્વાદિષ્ટ વસ્તુઓ તૈયાર કરવામાં આવે છે. જો તમે કેરી ખાવાના શોખિન છો , તો આ ખરેખર તમારા માટે કામના સમાચાર છે.
સ્વાદમાં એકદમ કેરી જેવો લાગતો કેરીનો આઇસ્ક્રીમ બજારમાં તમે ઘણી વાર ખાધો હશે. આવે આ જ આઈસક્રીમ તમે ઘરે પણ સરળતાથી તૈયાર કરી શકો છો. આવો જાણીએ આ આઇસ્ક્રીમ બનાવવાની સરળ રેસિપી.
સામગ્રી
4 મીઠી અને નારંગી રંગની કેરી
750 મિલિ દૂધ
અડધો કપ ખાંડ
આઇસ્ક્રીમ
આઈસક્રીમ બનાવવાની પ્રક્રિયા
સૌથી પહેલા 4 કેરીને સુધારીને તેનો છૂંદો કરીને એક વાડકામાં લઇ લો.
હવે તેને દબાવી દબાવીને ચાળી લો.
હવે તૈયાર પલ્પમાં ખાંડ એડ કરીને સાઈડમાં લઇ લો.
હવે એક મોટા બાઉલમાં દૂધ લો.
લગભગ 15 મિનિટ સુધી દૂધને ઉકાળતા રહો.
હવે દૂધમાં મિલ્કમેડ એડ કરો.
હવે સારી રીતે તેને મીક્સ કરી લો.
હવે તેને ઠંડુ થવા રાખી દો.
ઠંડુ થયા બાદ હવે તેમાં કેરીનો છૂંદો લઇ લો અને લગભગ 10-15 મિનિટ સુધી બ્લેન્ડરમાં બ્લેન્ડ કરો.
હવે આ મિશ્રણને આઈસક્રીમ મોલ્ડ્સમાં કે પછી વાડકામાં લઈને ફ્રીઝરમાં રાખી દો.
પછી ઠંડો થયા બાદ સરળતાથી આઇસ્ક્રીમ મોલ્ડમાંથી બહાર આવી જશે.