દિવાળી હવે નજીક આવી ગઈ છે. ત્યારે લોકોના ઘરે જાત જાતના નાસ્તા બનવાનું શરૂ થઈ ગયું હશે. બજારમાં મળતા નાસ્તા સ્વાસ્થ્ય માટે તો નુકસાનકારક હોય જ છે સાથે જ મોંઘા પણ પડે છે. જેથી ઘરે જ નાસ્તો બનાવવો સારો. એટલે આજે અમે દિવાળી નિમિત્તે ખાસ તમારા માટે 10 જ મિનિટમાં બનતી એકદમ ટેસ્ટી અને ક્રિસ્પી ઈન્સ્ટન્ટ ચકરીની રેસિપી લાવ્યા છે. આ ઝડપથી બની જાય છે અને તમે તેને 15 દિવસ સુધી સ્ટોર પણ કરી શકો છો. તો ચાલો જાણી લો.
સૌથી પહેલાં એક બાઉલ લઈ તેમાં ચોખાનો લોટ અને ઘઉંનો લોટ ચાળી લો. પછી તેમાં સ્વાદ પ્રમાણે મીઠું, અડધી ચમચી હળદર, 2 ચમચી લાલ મરચું, 1 ચમચી તલ, 3 ચમચી ઘરની મલાઈ, 2 ચમચી મોડું દહીં લઈને બરાબર મિક્સ કરી લો. હવે થોડું થોડું પાણી નાખીને પરોઠા જેવો લોટ બાંધી લો. હવે સેવ બનાવવો સંચો લેવો અને તેમાં થોડું તેલ લગાવીને સંચામાં લોટ ભરી દો. સાથે તેલ પણ ગરમ કરવા મૂકી દો. હવે એક ડિશમાં ચકરી પાડી દો અને છેડો સીલ કરી દો. પછી એક એક કરીને ચકરી તેલમાં નાખો અને સ્લો ગેસ પણ ચકરીને ગોલ્ડન થાય ત્યાં સુધી તળી લો. બસ તૈયાર છે ઈન્સ્ટન્ટ ચકરી.