હવે ધીરે-ધીરે શિયાળાની શરૂઆત થઈ રહી છે. એવામાં આ સીઝનમાં જો હેલ્ધી વસ્તુઓ ખાઈ લેવામાં આવે તો આખું વર્ષ શરીર નિરોગી રહે છે. અત્યારે કોરોનાકાળમાં લોકો વધુને વધુ હેલ્ધી વસ્તુઓનું સેવન કરી રહ્યાં છે. એવામાં ઘણાં લોકોને દૂધ પીવું ગમતું નથી, જેથી આજે અમે તમને માટે એવી ટેસ્ટી અને હેલ્ધી મિલ્ક મસાલાની રેસિપી લઈને આવ્યાં છે, જેને દૂધમાં મિક્સ કરીને રોજ પીવાથી શરીરને શક્તિ તો મળશે જ સાથે જ તે ટેસ્ટમાં પણ બેસ્ટ છે. તમે 6 મહિના સુધી ફ્રીઝમાં તેને સ્ટોર પણ કરી શકો છો. તો ચાલો જાણી લો રેસિપી.
સૌથી પહેલાં દૂધનો મસાલો બનાવવા માટે 3 ચમચી બદામ, 3 ચમચી કાજુ, 2 ચમચી અનસોલ્ટેડ પિસ્તા એડ કરીને બધાંને ડ્રાય રોસ્ટ કરી લો. 2 મિનિટ બાદ ગેસ બંધ કરી દો. પછી તેમાં 1 ચમચી વરિયાળી, અડધી ચમચી લીલી એલચીનો પાઉડર, 1 જાયફળનો પાઉડર, 1 ચમચી સૂંઠ પાઉડર, 1 ચમચી કેસર અને 1 ચમચી ખાંડ મિક્સ કરીને પછી બધો જ મસાલો મિક્સરમાં પીસી લો. બસ તૈયાર છે તમારો ટેસ્ટી અને મજેદાર મિલ્ક મસાલો. તમે રોજ સવારે અથવા તો રાતે 1 ચમચી દૂધમાં મિક્સ કરીને પી શકો છો.