દિવાળી સ્પેશિયલ / દિવાળીમાં માત્ર 20 જ મિનિટમાં બનાવો બહાર જેવા સોફ્ટ અને ટેસ્ટી ગુલાબ જાંબુ, જાણી લો પરફેક્ટ રીત

સામગ્રી

અડધો કપ મેદો
1 કપ મિલ્ક પાઉડર
પા ચમચી બેકિંગ પાઉડર
2 કપ ખાંડ
3 ગ્રીન એલચી

ચાસણી બનાવવાની રીત

સૌથી પહેલાં ચાસણી બનાવવા માટે એક પેનમાં 2 કપ પાણી લઈને તેમાં 2 કપ ખાંડ અને 3 એલચીનો પાઉડર નાખી 7-8 મિનિટ કૂક કરી લો. આમાં એક કે બે તારની ચાસણી નથી બનાવવાની, બસ ખાંડ ઓગાળવાની છે. પછી તેમાં 2-3 ટીપાં લીંબુનો રસ નાખીને ગેસ બંધ કરી દેવો. 

ગુલાબ જાંબુની રીત

સૌથી પહેલાં એક બાઉલમાં મેદો, મિલ્ક પાઉડર અને બેકિંગ પાઉડર લઈ લો. હવે તેને મિક્સ કરીને તેમાં અડધો કપ ફ્રેશ ક્રિમ નાખીને બરાબર મિક્સ કરીને લોટ બાંધી લો. હવે તેના નાના નાના બોલ્સ બનાવીને મીડિયમ આંચ પર ગરમ તેલમાં તેને તળી લો. તેલમાં ગુલાબ જાંબુ નાંખો ત્યારે તેલમાં ફેરવતા રહેવું. બ્રાઉન થાય એટલે તેને કાઢીને ચાસણીમાં 1 કલાક ડીપ કરીને મૂકી દો. બસ તૈયાર છે એકદમ સોફ્ટ અને ટેસ્ટી ગુલાબ જાંબુ.