રેસિપી / ભિંડાની આ એકદમ ટેસ્ટી અને ચટાકેદાર ગુજરાતી કઢી બનાવો તમારા રસોડે, આંગળા ચાટતા રહી જશો

સામગ્રી

20 નંગ ભિંડા
અઢી કપ ખાટી છાશ 
1 ચમચી આદુ મરચાંની પેસ્ટ
1 લાલ આખું મરચું
ચપટી હીંગ
અડધી ચમચી હળદર
સ્વાદ પ્રમાણે મીઠું
અડધી ચમચી હળદર પાઉડર
2 ચમચી જેટલો ગોળ
મીઠો લીમડો
મેથી દાણા
અડધો ઈંચ તજનો ટુકડો
 2 લવિંગ, 

રીત

સૌથી પહેલાં ભિંડાને ધોઈને લૂછીને એક ભિંડાના 3 મીડિયમ સાઈઝના કટકા કરી લેવા. હવે એક પેન ગરમ મૂકીને તેમાં 1 મોટી ચમચી તેલ મૂકી તેમાં ભિંડા એડ કરી તેમાં સ્વાદ પ્રમાણે મીઠું એડ કરી બધું મિક્સ કરી લો. ગેસની ફ્લેમ સ્લો રાખી ભિંડા કૂક કરી લેવા. ત્યાં સુધી કઢીનું મિક્ચર બનાવવા માટે અઢી કપ ખાટી છાશ લેવી. પછી તેમાં 2 મોટી ચમચી ચણાનો લોટ નાખી બરાબર વલોવી લો. હવે તેમાં સ્વાદ પ્રમાણે મીઠું, અડધી ચમચી હળદર પાઉડર, 2 ચમચી જેટલો ગોળ નાખીને બધું બરાબર મિક્સ કરી લો. હવે કઢીનું મિક્ચર તૈયાર છે. પછી ભિંડા ગેસ પર સોફ્ટ થઈ જાય એટલે તેને પ્લેટમાં કાઢી લો. પછી એ જ પેનમાં 2 ચમચી તેલ મૂકીને તેમાં અડધી ચમચી રઈ, અડધી ચમચી જીરું, પા ચમચી મેથી દાણા, અડધો ઈંચ તજનો ટુકડો, 2 લવિંગ, મીઠો લીમડો, ચપટી હીંગ નાખીને સાંતળીને 1 ચમચી આદુ મરચાની પેસ્ટ, એક લાલ આખું મરચું નાખીને તેમાં કઢીનું મિક્ચર એડ કરી દેવું. ગેસની ફ્લેમ મીડિયમ રાખી એક બોઈલ આવે એટલે તેમાં ભિંડા નાખીને 10 મિનિટ થવા દો. બસ તૈયાર છે ટેસ્ટી અને યમ્મી ભિંડાની કઢી. આને તમે રોટલી, ભાખરી, ભાત કે ખિચડી સાથે ખાઈ શકો છો.