રેસિપી / તંદૂરી દમ આલુનું આ શાક સ્વાદમાં છે બેમિસાલ, નવા જ ટ્વિસ્ટ સાથે એકવાર જરૂર બનાવો આ રેસિપી

સામગ્રી

5 ટામેટા
500 ગ્રામ બટાકા
હળદર
મરચું
ધાણાજીરું
ગરમ મસાલો
કસૂરી મેથી
2 ચમચી દહીં
મીઠું સ્વાદ અનુસાર
1 ચમચી ચણાનો લોટ

રીત

ટામેટાં ધોઈને તેને ઉકળતા પાણીમાં 5 મિનિટ બાફી લો. પછી એક પેનમાં 1 ચમચી ચણાનો લોટ ધીમા ગેસ પર 2 મિનિટ શેકી લો. હવે બાફેલાં ટામેટાની છાલ હટાવીને તેની પ્યૂરી બનાવી લો. હવે 500 ગ્રામ નાની સાઈઝના બટાકા બાફી લો. હવે શેકેલો લોટ એક વાટકીમાં લઈ તેમાં ચપટી હળદર, 1 ચમચી ધાણાજીરું, અડધી ચમચી લાલ મરચું, ચપટી ગરમ મસાલો, થોડું મીઠું અને 2 ચમચી દહીં મિક્સ કરી પેસ્ટ બનાવી લો. પછી તેમાં બટેકા મિક્સ કરી લો. હવે એક અન્ય પેનમાં 3 ચમચી તેલ નાખી દો. પછી તેમાં મેરિનેટ કરેલાં બટાકા નાખી સાંતળી લો. હવે એક કડાઈમાં 3 ચમચી તેલ લઈને તેમાં 1 ચમચી જીરું, 2 સમારેલાં લીલાં મરચા નાખી પછી ટામેટાની પ્યૂરી નાખો. પછી તેમાં 1 ચમચી મરચું, 1 ચમચી ધાણાજીરું, અડધી ચમચી હળદર, સ્વાદ પ્રમાણે મીઠું નાખી પાંચ મિનિટ ઢાંકીને થવા દો. પછી અડધી ચમચી ખાંડ અને કોથમીર નાખી દો. પછી છેલ્લો થોડી કસૂરી મેથી નાખવી. છેલ્લો સાંતળેલાં બટાકા નાખી તેમાં અડધો ગ્લાસ પાણી નાખી દો. ઢાંકીને 5 મિનિટ થવા દો. બસ તૈયાર છે ઝાયકેદાર તંદૂરી દમ આલુની આ રેસિપી.