ગુજરાતીઓ એટલે ખાવાના શોખીન. એમાં પણ જમવા સાથે છાશ, પાપડ, અથાડું, ભરેલાં મરચાં પણ જોઈએ. જેથી આજે અમે તમને નવી જ સ્ટાઈલના દહીવાળા ભરેલાં મરચાંની રેસિપી જણાવીશું. આ એકદમ ટેસ્ટી અને મજેદાર બને છે. તમે શાક ન બનાયું હોય તો પણ રોટલી કે ભાખરી સાથે તેને ખાઈ શકો છો અને તે ફટાફટ બની પણ જાય છે. ચાલો જાણી લો રેસિપી.
સૌથી પહેલાં મરચાંને ધોઈને વચ્ચે એક કાપો કરીને તેમાં હીંગ છાંટી દો. પછી તેમાં સિંધાલૂણ મીઠું ભભરાવી દો. હવે એક પેનમાં 3 ચમચી તેલ મૂકી તેમાં બધાં મરચાં સાંતળી લેવા. 5થી 7 મિનિટ શેકી લેવા. પલટાવી પલટાવીને બરાબર રોસ્ટ કરવા. હવે એક વાટકી પાણી કાઢેલું દહીં લેવું અને તેમાં મીઠું, મીઠું, અનારદાના પાઉડર અને શેકેલું જીરું નાખીને મિક્સ કરી લો. હવે શેકેલા મરચા દહીંમાં ડીપ કરી દો. ઉપરથી લાલ મરચું પાઉડર અને સહેજ મીઠું છાંટી દો. પછી કોથમીરથી ગાર્નિશ કરો. તૈયાર છે દહીંવાળા મરચાં.