રેસિપી / શિયાળામાં રવૈયાની આ ટેસ્ટી અને ચટાકેદાર વાનગી એકવાર બનાવીને ખાઓ, વારંવાર ખાવાનું મન થશે

સામગ્રી

250 ગ્રામ નાના સુરતી રવૈયા 
250 ગ્રામ બટાકા
2 ચમચી ચણાનો લોટ 
2 ચમચી શેકેલી સીંગનો ભૂકો 
3 ચમચી કોપરાનું છીણ
3 ચમચી ગોળ આમલીનો રસ
4 ચમચી તેલ 
2 ચમચી લાલ મરચું 
2 ચમચી ધાણાજીરુ 
2 ટી ચમચી ગરમ મસાલો 
1 ચમચી હળદર 
2 ચમચી વાટેલુ લસણ 
2 ચમચી તલ 
મીઠું સ્વાદ પ્રમાણે 

વઘાર માટે 

3 ટેબલ સ્પૂન તેલ 
1/2 ચમચી રાઈ 
1/2 ચમચી જીરુ 
ચપટી હીંગ 

રીત

સૌથી પહેલાં રવૈયા ધોઈ દરેકમાં ચાર કાપા કરી 2-3 મિનિટ મીઠાના પાણીમાં રાખો. ત્યારબાદ ઉપર લખેલી બધી જ સામગ્રી એક વાસણમાં સારી રીતે મિક્સ કરી લો. આ બધો જ મસાલો રીંગણમાં અને બટાકાને કાપીને તેમાં ભરી લો. હવે એક જાડા તળિયાવાળા વાસણમાં તેલ મૂકી તેમાં રાઈ નાખો. રાઈ તતડી જાય ત્યારે હીંગ નાખી રીંગણ અને બટાકા વઘારો. 2થી 3 મિનિટ પછી રીંગણ બટાકા ભર્યા બાદ જે મસાલો વધ્યો હોય તે બધો જ મસાલો શાક પર નાખી 1 કપ પાણી નાખો. હવે હલાવીને ધીમા ગેસ પર ચડવા દો. બસ 10 મિનિટ પછી ભરેલાં રવૈયાનું ટેસ્ટી શાક તૈયાર છે. પછી તેની પર કોથમીર અને કોપરુ ભભરાવી ગરમ ગરમ સર્વ કરો.