કેળા આપણાં સ્વાસ્થ્ય માટે કેટલાક ગુણકારી અને ફાયદાકારક છે એ વાત તો ઘણાં લોકો જાણતા જ હશે. રોજ એક કેળુ ખાવાની સલાહ આપવામાં આવે છે. કેળામાં રહેલાં તત્વો આપણા શરીર માટે અનેક રીતે લાભકારી છે. પણ શું તમે ક્યારેય કેળાના લાડુ ખાધા છે? જી હાં, કેળાની લાડુની રેસિપી આજે અમે તમને જણાવીશું. આ લાડુ એકદમ ઝટપટ અને સરળતાથી તૈયાર થઈ જાય છે. તમે 3-4 દિવસ તેને સ્ટોર પણ કરી શકો છો. ખાવામાં એકદમ સ્વાદિષ્ટ આ લાડુ હેલ્ધી પણ છે. ચાલો જાણીએ રેસિપી.
સૌથી પહેલાં આપણે બ્રેડ ક્રમ્બ્સ તૈયાર કરીશું. તેના માટે તમારા મનપસંદની કોઈપણ બ્રેડ લઈને લગભગ 8-10 બ્રેડ લઈને તેના નાના ટુકડા કરીને તેને મિક્સરમાં પીસી લો. એકદમ ઝીણી વાચવી નહીં. હવે પાકેલાં કેળા લઈને તેને છોલીને તેને મેશ કરી લો. તમે મિક્સરમાં પણ તેની ફાઈન પેસ્ટ બનાવી શકો છો. હવે એક પેનને ગરમ કરીને લગભગ દોઢ કપ જેટલી કેળાની પેસ્ટ નાખવી, હવે તેને 5 મિનિટ સતત હલાવતા રહો. થોડું પકાવ્યા બાદ હવે તેમાં ખાંડ ઉમેરો. પછી તેને સતત હલાવતા રહો અને ઘી ઉમેરો. પછી બરાબર હલાવો. હવે તેમાં વેનિલા એસેન્સના થોડાં ટીપા નાખી દો. પછી તેમાં બ્રેડ ક્રમ્બ્સ નાખીને બરાબર મિક્સ કરીને ગેસ બંધ કરી દો. લાડુ બંને એવી કન્સીસ્ટન્સીમાં લાવવા માટે તમે થોડાં વધુ બ્રેડ ક્રમ્બ્સ પણ નાખી શકો છો. પછી સહેજ ઠંડુ થાય એટલે લાડુ બનાવી લો. આ લાડુ 3-4 દિવસ સુધી સારાં રહે છે. નાના મોટા સૌને ભાવે એવા આ લાડુની રેસિપી એકવાર જરૂરથી ટ્રાય કરજો.