શિયાળાની શરૂઆત ધીરે-ધીરે થઈ રહી છે. એવામાં સીઝન બદલાતા મોટાભાગના લોકોને શરદી, ખાંસી, કફની સમસ્યાઓ વધી જાય છે. જેના માટે દેશી દવા કરવી જ યોગ્ય છે. જેથી નાના મોટા સૌ માટે તમે ઘરે જ સરળતાથી ગરમાગરમ બાજરીની રાબ બનાવીને આપી શકો છો. આ રાબ એક બેસ્ટ દેશી દવા છે. તેને ગરમાગરમ જ પીવી. શિયાળામાં એકદમ ગુણકારી આ રેસિપી ચોક્કસ ટ્રાય કરજો.
સામગ્રી
1 કપ પાણી
2 મોટી ચમચી બાજરીનો લોટ
2 લવિંગ
અડધો ઈંચ તજનો ટુકડો
1 ચમચી સૂંઠનો પાઉડર
2 ચમચી ઘી
2 મોટી ચમચી ગોળ
રીત
આ રાબ 1 કપ બનશે. સૌથી પહેલાં કડાઈમાં ઘી લઈ તેમાં તજ લવિંગ એડ કરી દો. પછી તેમાં 1 ચમચી અજમો એડ કરી દો. હવે હલાવીને તેમાં બાજરીનો લોટ એડ કરી સ્લો ફ્લેમ પર 2 મિનિટ લોટ શેકવો. લોટ સારી રીતે શેકવો ખૂબ જ જરૂરી છે. કલર બદલાય એટલે તેમાં 1 કપ પાણી નાખી મિક્સ કરો. પછી તેમાં ગોળ એડ કરો. એ મિક્સ થઈ જાય એટલે તેમાં સૂંઠનો પાઉડર એડ કરી ગેસ બંધ કરી દો. તૈયાર છે શિયાળાની દેશી દવા.