અત્યારે નવરાત્રિ ચાલી રહી છે. એવામાં તમે ઉપવાસ કરતા હશો. જો તમે ઉપવાસમાં કંઈક અલગ અને હેલ્ધી બનાવવાનું વિચારી રહ્યા છો, એપ્પલની રબડી બેસ્ટ ઓપ્શન છે. આ રબડી ખૂબ જ ઓછી સામગ્રીમાં ફટાફટ બની જાય છે. સાથે જ તે સ્ટેમિના પણ વધારશે અને જલ્દી ભૂખ પણ લાગવા નહીં દે. ચાલો જાણી લો રેસિપી.
એપ્પલની ટેસ્ટી રબડી બનાવવા માટે સૌથી પહેલાં એપ્પલને છોલીને છીણી લો. પછી એક પેનમાં દૂધ ગરમ મૂકો અને ધીમા ગેસ પર તેને સતત હલાવતા રહો. જેથી દૂધ તળીયામાં ચોંટે નહીં. ઉકળીને દૂધ જ્યારે અડધું રહી જાય ત્યારે તેમાં છીણેલું એપ્પલ નાખીને હલાવો. પછી તેમાં ખાંડ નાખો. 5 મિનિટ બાદ તેમાં બધાં ડ્રાય ફ્રૂટ્સ અને એલચી પાઉડર નાખીને મિક્સ કરી દો. ગેસ બંધ કરીને તમારી રબડી રૂમ ટેમ્પ્રેચર પર આવે એટલે 2 કલાક ફ્રીઝમાં મૂકી દો. બસ તૈયાર છે ચિલ્ડ અને મજેદાર, હેલ્ધી એપ્પલ રબડી.