રેસિપી / આમળાનું આ એકદમ ટેસ્ટી અને હેલ્ધી શરબત એકવાર બનાવીને આખું વર્ષ પી શકો છો, જાણી લો રેસિપી

સામગ્રી

1 કિલો આમળા
1 ચમચી સંચળ
1 ચમચી મરી પાઉડર 
2 કપ ખાંડ

રીત

1 કિલો આમળા લઈ તેને સરખી રીતે ધોઈને તેના ઠળિયા કાઢીને કળીઓ છૂટી કરી દો. હવે આ આમળાના પીસને મિક્સરમાં એડ કરી પાણી વિના પીસી લો. હવે આ પીસેલા આમળામાંથી સુતરાઉ કે કોટનના કપડાંથી રસ કાઢી લો. હવે 1 કપ જેટલો આમળાનો રસ નીકળશે. જેથી 1 કપ રસ સાથે 2 કપ ખાંડ લેવી. હવે એક પેનમાં આમળાનો રસ લઈ ધીમા તાપે રસને ગરમ કરી લો અને તેમાં ખાંડ નાંખો. હવે ખાંડ ઓગળે ત્યાં સુધી હલાવો. ખાંડ ઓગળે એટલે મસાલા નાખો. જેમાં સ્વાદ પ્રમાણે મીઠું, 1 ચમચી સંચળ, 1 ચમચી મરી પાઉડર મિક્સ કરીને ગેસ બંધ કરી દો. શરબત ઠંડુ થાય એટલે તેમાં 1 લીંબુનો રસ એડ કરી દો. તૈયાર છે આમળાનું શરબત. શરબત બનાવવા માટે 1 ગ્લાસ પાણીમાં 3 ચમચી શરબત એડ કરીને મજા માણો.