આજકાલની ખરાબ લાઈફસ્ટાઈલને કારણે વજન વધવાની સમસ્યા એક સામાન્ય સમસ્યા બની ગઈ છે. જાણો લાઈફસ્ટાઈલમાં ક્યા ક્યા ફેરફારો કરવાથી વજન ઘટાડી શકાય છે.
વજન વધવું એ આજકાલ સામાન્ય સમસ્યા
ખરાબ લાઈફસ્ટાઈલને કારણે વધી શકે છે વજન
એક્સરસાઈઝ પણ વજન ઘટાડવા માટે જરૂરી
અત્યારના સમયમાં સ્થૂળતાનો પ્રશ્ન અનેક લોકોને સતાવે છે. સ્થૂળતા ગંભીર રોગોને આમંત્રણ આપતી હોવાથી લોકો સ્થૂળતાથી બચવાના ઘણા પ્રયાસ કરે છે. તેમાંય મહિલાઓ સ્થૂળતા પ્રત્યે વધુ ચિંતિત જણાય છે અને તેઓ અવનવા પ્રયોગો કરતી હોય છે. આવી સ્થિતિમાં અહીં વજન ઘટાડવા માટે મદદરૂપ થઇ શકે એવા ડાયટ પ્લાન અંગે જાણકારી આપવામાં આવી છે. આ ડાયટ પ્લાન થકી મહિલાઓ ઝડપથી વજન ઉતારી શકે છે. આ ડાયટ પ્લાનને ફોલો કરવાથી તેઓ લાંબા સમય સુધી એનર્જેટિક પણ રહેશે અને ડાયેટિંગની પણ જરૂર નહીં પડે.
ભરપૂર પ્રમાણમાં પાણી પીવો
ભરપૂર પ્રમાણમાં પાણી પીવાથી વજન કંટ્રોલ કરવામાં ખૂબ મદદ મળે છે. આ સાથે જ તમે હાઇડ્રેટેડ પણ રહો છો. તેથી આખો દિવસ ઓછામાં ઓછું ચારથી પાંચ લિટર પાણી પીવાનો પ્રયત્ન કરો.
ખાંડનું ઓછું સેવન કરો
વજનને કંટ્રોલ કરવા ઇચ્છતા લોકોએ શુગરનું સેવન ખૂબ જ ઓછું કરી દેવું જોઇએ. ખાંડથી ભરપૂર વસ્તુઓને ડાયટમાં વધારે સામેલ કરવાથી તમારા સ્વાસ્થ્ય પર તેની ખરાબ અસર પડે છે. વધુ પડતું વજન વધવું શરીર માટે હાનિકારક છે. તે ડાયાબિટીસનું જોખમ વધારે છે અને હૃદયને લગતા ઘણા ગંભીર રોગો પણ બે ગણા વધી જાય છે. તેથી ખાંડનું ઓછા પ્રમાણમાં સેવન કરો.
બ્રેકફાસ્ટમાં વધુ પ્રોટીનવાળી વસ્તુઓનું સેવન કરો
દિવસની શરૂઆત પ્રોટીનથી ભરપૂર વસ્તુઓથી થાય તે હિતાવહ છે. પ્રોટીન ધરાવતી વસ્તુઓ તમારા વજનને નિયંત્રિત કરવામાં તેમજ તમને લાંબા સમય સુધી એનર્જેટિક રાખવામાં અસરકારક છે. તમે ડાયટમાં બીન્સ, રાજમા, ચણા અને અન્ય વસ્તુઓનો સમાવેશ કરી શકો છો.
પ્રોબાયોટિક્સનો ઉપયોગ કરો
પ્રોબાયોટિક્સનું ભરપૂર પ્રમાણમાં સેવન કરવાથી વજન ઘટાડવામાં ઘણી મદદ મળે છે. પ્રોબાયોટિક્સ તેમને સ્વસ્થ રાખે છે તેમજ તમને ઝડપથી ભૂખ પણ લાગતી નથી. તેથી જો તમે વજન ઘટાડવાનું વિચારી રહ્યા હોવ, તો તમારે આહારમાં પ્રોબાયોટિક્સવાળી વસ્તુઓનું સેવન કરવું જ જોઇએ.
દરરોજ વર્કઆઉટ્સ કરો
વજનને કંટ્રોલ કરવું હોય તો વર્કઆઉટ કરવું ખૂબ જ જરૂરી છે. દરરોજ કસરત કરવાથી તમારી કેલરી બર્ન કરવામાં ઘણી મદદ મળશે. રોજ વર્કઆઉટ અને યોગ પણ કરી શકો છો.