આધાર કાર્ડથી એલપીજી સબ્સિડી મેળવવા આધાર કાર્ડને બેંક એકાઉન્ટ સાથે મોબાઈલ નંબર ગેસ એજન્સી સાથે રજિસ્ટર્ડ હોવો જરૂરી છે.
આધાર કાર્ડ ગેસ સિલિન્ડર સાથે કરાવી લો લિંક
પીએમ ઉજ્જવલા યોજનાના આધારે સબ્સિડીમાં મળશે ફાયદો
આ યોજનામાં સબ્સિડી 174.80 રૂ.થી વધારીને 312.80 રૂ. કરાઈ છે
પેટ્રોલ ડીઝલની સાથે સાથે ગેસ સિલન્ડરના વધતા ભાવો સામાન્ય માણસને પરેશાન કરી રહ્યા છે. આ સમયે તમને ખ્યાલ આવે કે તમને ગેસ સિલન્ડર 300 રૂપિયા ઓછા ભાવે મળી રહ્યો છે તો તમે તેને માટેના પ્રયાસ કરશો. જો તમારી ઈનકમ 10 લાખ રૂપિયા છે તો તમને એલપીજીની સબ્સિડી મળશે નહીં. આ ઈનકમ પતિ અને પત્નીની આવકને મિક્સ કરીને ગણાય છે. આટલી રકમથી ઓછી આવક વાળાને જ આ ફાયદો મળી શકે છે.
જાણો શું કહ્યું છે પેટ્રોલિયમ મંત્રીએ
સરકાર ઘરેલૂ ગેસ સિલિન્ડર પર સબ્સિડી આપે છે. છેલ્લા મહિનામાં જોવા મળ્યું કે લોકોના ખાતામાં નામ માત્ર સબ્સિડી આવી રહી છે. આ સમયે ચર્ચા છે કે સરકારે સબ્સિડી આપવાનું બંધ કર્યું છે. આ સમયે પેટ્રોલિયમ મંત્રીએ કહ્યું કે એલપીજી પર સબ્સિડી ખતમ થઈ નથી પણ તેને જરૂરિયાતમંદને આપવામાં આવી રહી છે. આ સાથે પીએમ ઉજ્જવલા યોજનાના આઘારે ગેસ સિલિન્ડર પરની સબ્સિડી 174.80 રૂ.થી વધારીને 312.80 રૂ. કરાઈ છે. આ તેમના માટે છે જે આ યોજનામાં રજિસ્ટ્રેશન કરાવી ચૂક્યા છે.
આધાર કાર્ડ હોવું જરૂરી છે
પીએમ ઉજ્જવલા યોજનાના આધારે ગેસ સિલિન્ડર પર સબ્સિડી મેળવવા માટે તમારું આધાર કાર્ડ આ યોજના સાથે લિંક હોવું જરૂરી છે. જો એવું નથી તો સબ્સિડીની રકમ તમારા ખાતામાં આવશે નહીં. આધાર કાર્ડની મદદથી એલપીજી સબ્સિડી મેળવવા માટે આધાર કાર્ડને બેંક એકાઉન્ટ સાથે લિંક કરાવવો જરૂરી છે અને સાથે મોબાઈલ નંબર ગેસ એજન્સી સાથે રજિસ્ટર્ડ હોવો જરૂરી છે. જો આધાર લિંક નહીં હોય કે મોબાઈલ નંબર રજિસ્ટર્ડ નથી તો આ સુવિધા મળશે નહીં.
આ રીતે કરો રજિસ્ટર્ડ
તમે તમારા આધાર કાર્ડને 3 રીતે રજિસ્ટર્ડ કરાવી શકો છો. પહેલું છે મોબાઈલ નંબરની મદદથી, અન્ય રીતમાં એસએમએસની મદદથી અને ત્રીજી રીતમાં તમે UIDAIની સાઈટ પર જઈને રજિસ્ટ્રેશન કરી શકો છો. જો તમારો મોબાઈલ નંબર રજિસ્ટર્ડ થઈ જશે તો તમે UID <Aadhar number> ટાઈપ કરીને ગેસ એજન્સીના નંબર પર મોકલીને તેને રજિસ્ટર્ડ કરી શકો છો. આમ કરતાં મોબાઈલ પર જાણકારી મળી જશે.
આ નંબર પર કરો કોલ
જો તમે મોબાઈલ નંબરથી એસએમએસની મદદથી તેને રજિસ્ટર્ડ કરાવી શકતા નથી તો તમે ઈન્ડેનની ગેસ એજન્સીની ટોલ ફ્રી નંબર 1800 2333 5555 પર કોલ કરીને કર્મચારીને કહો કે તમારું આધાર લિંક કરવાનું છે. આ કામ કસ્ટમર કેરના અધિકારી તરત કરી આપે છે.
UIDAI ની વેબસાઈટની મદદથી
જો તમે ઓનલાઈન તમારા આધારને ગેસ સબ્સિડી માટે લિંક કરવા ઈચ્છો છો તો તમે આ વેબસાઈટની મદદથી પણ આ કામ કરી શકો છો. આ માટે તમારે વેબસાઈટ પર નામ, સરનામું, સ્કીમ, ગેસ ડિસ્ટ્રીબ્યુટરની જાણકારી ભરીને સબમિટ કરવાનું રહે છે. તમે તમારા આધારની સબ્સિડી મેળવવા માટે લિંક કરાવી શકો છો.