તમારી સ્કિનનો રંગ ભલે શ્યામ હોય પણ જો ચહેરા પર ગ્લો હોય તો ચહેરો સુંદર લાગે છે. ઘણાં લોકોને ચહેરા પર ડાઘ-ધબ્બા, સ્કિન ટોન ડાર્ક હોવી, સનબર્ન જેવી સમસ્યાઓ હોય છે અને તેને દૂર કરવા તેઓ પાર્લરમાં જઈને પૈસા ખર્ચતા હોય છે. પણ આજે અમે તમને ઘરે જ સાદી અને સરળ ટિપ્સથી ફેશિયલ કરવાનું જણાવીશું. જેનાથી તમારા ચહેરા પર વ્હાઈટનિંગ ફેશિયલ જેવો નિખાર આવશે. ચાલો જાણીએ.
ચહેરા પર પેક લગાવતા પહેલા ચહેરાને સારી રીતે સાફ કરી લો અને મેકઅપ કાઢી નાખો. પછી, એક વાટકીમાં દહીં લો અને તેમાં નારંગીનો રસ, લીંબુનો રસ અને ટામેટાનો 1-1 ચમચી રસ લઈ અને મુલ્તાની માટી મિક્સ કરો. હવે તેને તમારા આખા ચહેરા પર લગાવો. હવે નારંગીની છાલ લઈને તેના અંદરવાળા ભાગથી ચહેરા પર હળવા હાથે 15 મિનિટ સુધી સર્ક્યુલર મોશનમાં મસાજ કરો. તમે આખા શરીર પર પણ આ રીતે પેક લગાવી શકો છો. પછી નવશેકા પાણીથી ફેસ વોશ કરી લો. પછી મોશ્ચુરાઈઝર અથવા એલોવેરા જેલ ફેસ પર લગાવો. પછી જુઓ કેવો નિખાર આવે છે.
આટલું ધ્યાનમાં રાખો
આ પેકનો ઉપયોગ અઠવાડિયામાં માત્ર 2 વાર કરવો. તેને સ્નાન કરતા પહેલા લગાવો જેથી તમને સારા પરિણામ મળી શકે. નિયમિત આ પેક લગાવતા રહેવાથી તમારે પાર્લર જવું નહીં પડે અને નેચરલી તમારા ચહેરાનો ગ્લો વધશે.