તમારા કામનું / કોઈ બીજુ તો નથી વાંચી રહ્યું તમારા WhatsApp ચેટ્સ? ફક્ત 3 ક્લિકમાં આ રીતે પડી જશે ખબર, જાણો ડિટેલ્સ

• કરોડો લોકો કરી રહ્યા છે WhatsAppનો ઉપયોગ 
• તમારી એપ પર તો નથી સ્કેમર્સની નજર 
• જાણો કઈ રીતે જાણશો તમારા મેસેજ કોઈ બીજુ તો નથી વાંચતું

WhatsApp ખૂબ જ જરૂરી એપ બની ગઈ છે. તેનો ઉપયોગ ઘણા કામોમાં થાય છે. WhatsAppનો ઉપયોગ કરોડો લોકો કરે છે. આ કારણે તે સ્કેમર્સ અને હેકર્સની નજર પર પણ રહે છે. પરંતુ WhatsApp એન્ડ-ટૂ-એન્ડ ઈન્ક્રિપ્શન ફિચર છે. જેના કારણે પ્રાઈવસીનું ખાસ ધ્યાન રાખવામાં આવ્યું છે. 

જો તેમ છતાં તમને લાગે છે કે કોઈ તમારા વોટ્સએપ ચેટ્સને વાંચી રહ્યું છે તો તમે તેની જાણકારી સરળતાથી મેળવી શકો છઓ. તેના માટે તમારે કંપનીના એક ફિચર્સનો ઉપયોગ કરવાનો રહેશે.  

સ્કેમર્સ લે છે WhatsApp ચેટનું એક્સેસ 
WhatsApp લિંક ફિચરનો ઉપયોગ કરી WhatsAppને બીજા ડિવાઈશમાં પણ એક્સેસ કરી શકાય છે. તેનાથી યુઝર પ્રાઈમરી વોટ્સએપના ચેટ્સને વાંચી શકે છે. તેનો ફાયદો સ્કેમર્સ ઉઠાવે છે. સ્કેમર્સ વોટ્સએપ લિંક ફિચરની મદદથી યુઝરના WhatsApp ચેટનું એક્સેસ લઈ લે છે. 

તેનાથી તે તમારા પર્સનલ ચેટને વાંચી શકે છે. જોકે તેના વિશે જાણકારી મેળવી શકાય છે. તેના માટે તમારે સૌથી પહેલા WhatsAppને ઓપન કરવાનું રહેશે. ત્યાર બાદ તમને ટોપ લેફ્ટમાં થ્રી-ડોટ પર ક્લિક કરવાનું રહેશે. 

આ રીતે જાણો કોઈ તમારા મેસેજ તો નથી વાંચી રહ્યા
અહીં તમને Linked Devicesના ઓપ્શનને સિલેક્ટ કરવાનું રહેશે. ત્યાર બાદ તમને નીચે તમારા WhatsApp એકાઉન્ટથી લિંક કરવામાં આવેલા ડિવાઈસ વિશે જણાવવામાં આવશે. તેમાં જો તમને કોઈ અજાણ્યું ડિવાઈસ અથવા બ્રાઉઝર જોવા મળે છે તો તમે તેને હટાવી શકો છો. 

તેના માટે તમને આ ડિવાઈસ અથવા બ્રાઉઝર પર ક્લિક કરીને રિમૂવના ઓપ્શન પર ક્લિક કરવાનું રહેશે. આ બીજા ડિવાઈસમાં લોગિન તમારા વોટ્સએપ એકાઉન્ટના એક્સેસને હટાવી દેશે. જોકો તમે વઘારે સિક્યોરિટી મેળાવવા માંગો છો તો તમે વોટ્સએપને ઈનબિલ્ટ એપ લોકથી લોક રાખી શકો છો. તે ઉપરાંત તમે ટૂ-ફેક્ટર સિક્યોરિટી કોડનો પણ ઉપયોગ કરી શકો છો.