એક્ટર પંકજ ત્રિપાઠી આજે બોલિવુડ ઇન્ડસ્ટ્રીમાં એક એવા એક્ટર છે, જેમણે સૌ કોઇ ફિલ્મમાં લેવા ઇચ્છે છે અને તાજેતરમાં પંકજ ત્રિપાઠી ઘણી ફિલ્મોમાં પણ જોવા મળ્યા.
પોતાની એક્ટિંગથી ઓડિયન્સની સાથે સાથે ક્રિટિક્સના દિલ જીતનારા પંકજ ત્રિપાઠી આજે પોતાનો 43મો બર્થ ડે ઉજવી રહ્યા છે.
પંકજ ત્રિપાઠી આજે ભલે એક જાણીતા એક્ટર હોય અને પોતાની એક્ટિંગથી ફિલ્મની વાર્તામાં જીવ રેડનારા પંકજ ત્રિપાઠીની સફળતાની પાછળ એક સંઘર્ષની વાર્તા છે.
ખેડૂત પરિવારમાં થયો જન્મ:
પકંજ ત્રિપાઠીનો જન્મ બિહારના ગોપાલગંજ જિલ્લાના નાના શહેર બેલસંદમાં થયો. પકંજ ત્રિપાઠીએ પોતાના ભણતરની સાથે ખેતી પણ કરી. આ પછી આગળ હોટલ મેનેજમેન્ટમાં ભણ્યા સાથે જ નોકરી પણ કરી. પંકજ ત્રિપાઠીએ આગળ કહ્યુ કે, તેઓ રાત્રે હોટલમાં કામ કરતા હતા અને સવારે થિયેટર કરતા. 2 વર્ષ સુધી આ રીતે જ કામ કર્યુ.
જેલ પણ ગયા:
કૉલેજમાં રાજનીતિ દરમિયાન એક્ટર અખિલ ભારતીય વિદ્યાર્થી પરિષદનો ભાગ હતા અને 1993 દરમિયાન રાજ્ય સરકાર વિરુદ્ઘ અવાજ ઉઠાવવા પર તેમણે જેલની સજા થઇ. આ પછી એક્ટિંગમાં કરિયર બનાવવા માટે દિલ્હી આવ્યા અને ત્યાં નેશનલ સ્કૂલ ઑફ ડ્રામામાં એડમિશન લીધુ. જોકે નેશનલ સ્કૂલ ઑફ ડ્રામા (NSD) માં ઘણી મુશ્કેલીઓ પછી અને 2 વખત રિજેક્ટ થયા પછી તેમણે એડમિશન મળ્યુ.
લાંબા સંઘર્ષ પછી મળી ગેંગ્સ ઑફ વાસેપુર:
દિલ્હીમાં થિયેર કર્યા પછી પંકજ ત્રિપાઠી મુંબઇ આવ્યા, જ્યાં તેમણે સંઘર્ષ કર્યુ. 2008માં તેમણે બાહુબલી નામની એક ટેલિવિઝન સીરિઝમાં કામ કરવાનો મૌકો મળ્યો. આ પછી 2012માં મુંબઇ આવ્યાના આઠ વર્ષ પછી તેમણે ગેંગ્સ ઑફ વાસેપુર માટે ઓડિશન આપ્યુ જે આઠ કલાક ચાલ્યુ. આ ફિલ્મ પછી પંકજ ત્રિપાઠીને એક અલગ ઓળખ મળી.
નેશનલ એવોર્ડ જીતનારા પંકજ ત્રિપાઠી દબંગ 2 (2012), ABCD: એની બડી કેન ડાન્સ (2013), રંગરેઝ (2013), ફૂકરે (2013), અનવર કા અજબ હિસ્સા (2013), બરેલી કી બર્ફી અને તાજેતરમાં ઘણી ફિલ્મોમાં જોવા મળ્યા. મિર્ઝાપુર તેમજ સ્ક્રેડ ગેમ્સ 2 જેવી વેબ સીરિઝમાં પણ પંકજ ત્રિપાઠીએ કામ કર્યુ, જેમાં ઓડિયન્સે તેમણે ખૂબ જ પસંદ કર્યા.