હેલ્થ / બીજું બાળક લાવતા પહેલાં દરેક મહિલાએ આ વાતનું ખાસ ધ્યાન રાખવું, નહીંતર થઈ શકે છે આ ગંભીર સમસ્યા

• બીજું બાળક લાવતા પહેલાં પ્રેગ્નેની અને ડિલીવરીથી રિકવર થવું બહુ જ જરૂરી છે
• પહેલી પ્રેગ્નેન્સી બાદ બીજું બાળક લાવવામાં 18થી 23 મહિનાનું અંતર રાખવું જોઈએ

કેટલા સમયનું અંતર રાખવું

જો તમે બીજીવાર પ્રેગ્નેન્સી ધારણ કરવાનું વિચારી રહ્યાં છો તો પહેલાં બાળકના જન્મ પછી કેટલાં સમય બાદ પ્રેગ્નેન્ટ થવું જેથી સ્વસ્થ બાળક પેદા થાય તે ઘણી મહિલાઓના મનમાં આ સવાલ આવતો હોય છે. પહેલી પ્રેગ્નેન્સી બાદ 18થી 23 મહિનાનું અંતર રાખવું જોઈએ, જેથી તમારું શરીર ફરી પ્રેગ્નેન્સી થવા માટે રિકવર થઈ જાય. 

પહેલી અને બીજી પ્રેગ્નેન્સીની વચ્ચે ગેપ રાખવો કેમ જરૂરી છે

જો તમે બીજીવાર પ્રેગ્નેન્ટ થવામાં ગેપ રાખો છો તો પ્રેગ્નેન્સી દરમ્યાન કોમ્પલિકેશન્સના ચાન્સિસ ઘટી જાય છે અને પ્રસવ દરમ્યાન થતી પરેશાની પણ ઓછી થઈ શકે છે. જો તમે બીજીવાર પ્રેગ્નેન્ટ થવામાં માત્ર 6 મહિનાનું અંતર રાખો તો બાળકની પ્રીમેચ્યોર ડિલીવરી અને બાળકનું વજન ઓછું હોવા જેવી સમસ્યાઓ થઈ શકે છે. 

ગેપ રાખવાના ફાયદા

જો તમને બંને બાળકની વચ્ચે લાંબા સમયનો ગેપ રાખો તો દરેક બાળક સાથે વધુ સમય વિતાવી શકો છો. સાથે જ 1 બાળક મોટું થવા પર તે પણ તેના નાના ભાઈ-બહેનનું ધ્યાન રાખવામાં મદદ કરે છે. આ સિવાય તમે એક જ સમયે અથવા ઉપરાઉપરી 2 બાળકોનું ધ્યાન ન રાખી શકો જેથી બંને બાળકોમાં અંતર હશે તો પહેલું બાળક થોડું મોટું થઈ જશે અને તમારે તેની દેખભાળમાં વધુ સમય આપવો નહીં પડે.