લાલ'નિ'શાન / #LaalNiShaan : જાણો, પીરિયડ્સ દરમ્યાન કેટલું બ્લડ લોસ થાય છે

• પીરિયડ્સમાં 3-4 ચમચી જેટલું થાય છે બ્લડ લોસ
• આ કારણોથી થાય છે હેવી બ્લીડિંગ
• 80 મિલીથી વધારે બ્લીડિંગ છે ચિંતાજનક

પીરિયડ્સ દરમિયાન એક છોકરી અથવા મહિલાના શરીરમાંથી સરેરાશ 30થી 50 મિલી બ્લડ બહાર નીકળે છે. સરળ શબ્દોમાં કહીએ તો પીરિયડ્સ દરમિયાન લગભગ 2-3 ચમચી બ્લડ લોસ થાય છે. જોકે, કેટલીક રિસર્ચની માનીએ તો પીરિયડ્સ દરમિયાન લગભગ 4 ચમચી જેટલું બ્લડ લોસ થાય છે. તમને આંકડા જોઈને લાગતું હશે કે આ તો ખોટા છે, કારણ કે, પીરિયડ્સ દરમિયાન તો કેટલું બધું બ્લડ લોસ થાય છે. 

મેન્સ્ટ્રૂઅલ ફ્લુઈડમાં બ્લડ સાથે શું હોય છે?

પીરિયડ્સ દરમિયાન શરીરમાંથી નીકળતા બ્લડમાં બ્લડની સાથે અન્ય ફ્લુઈડ પણ નીકળે છે. એટલે કે યૂટ્રસ એટલે ગર્ભાશયના ટિશ્યૂ, endometrialની કોશિકાઓ અને બ્લડ ક્લોટ પણ હોય છે. જેના કારણે મેન્સ્ટ્રૂઅલ ફ્લુઈડની માત્રા વધુ દેખાય છે. આ જ કારણથી તમને જોવામાં એવું લાગે છે કે, આટલું બધું બ્લડ લોસ થઈ ગયું. હકીકતમાં તે માત્ર 3-4 ચમચી જેટલું જ હોય છે. 

કઈ સ્થિતિને હેવી પીરિયડ્સ કહેવાય?

જે રીતે મહિલાઓનું શરીર એકબીજાથી એકદમ અલગ હોય છે તે જ રીતે દરેકને આવતું પીરિયડ્સ પણ એકબીજાથી અલગ હોય છે. કોઈ એક માટે હેવી પીરિયડ્સ બીજા માટે નોર્મલ હોઈ શકે છે. પીરિયડ્સ સામાન્ય રીતે હેવી ત્યારે માનવામાં આવે છે જ્યારે દર વખતે પીરિયડ્સ સાયકલ દરમિયાન 80 મિલી એટલે કે 5-6 ચમચી જેટલું મેન્સ્ટ્રૂઅલ ફ્લુઈડ શરીરમાંથી બહાર નીકળે છે. જો તમને 7 દિવસથી વધુ સમય સુધી પીરિયડ્સ આવે છે તો તેને હેવી પીરિયડ્સ કહી શકાય છે. 

પીરિયડ્સમાં વધુ બ્લીડિંગ થવાના કારણો

એન્ડોમીટ્રિઓસિસ

આ એક એવી બીમારી છે જેમાં ગર્ભાશયની અંદર રહેલાં ટિશ્યૂ ગર્ભાશયની બહાર પણ બનવા લાગે છે અને તેના કારણે પેટમાં તીવ્ર દુખાવો પણ થાય છે. 

ફાઈબ્રોઈડ્સ

જો યૂટ્રસમાં ફાઈબ્રોઈડ્સ એટલે કે રેશા બનવા લાગે તો તેનાથી પણ પીરિયડ્સ દરમિયાન હેવી બ્લીડિંગ થવા લાગે છે. 

પીસીઓડી

જો તમારી ઓવરીમાં એટલે કે અંડાશયમાં સિસ્ટ થાય છે તો પણ પીરિયડ્સ દરમિયાન હેવી બ્લડ ફ્લો થવા લાગે છે. 

આઈયૂડી

જો તમે ગર્ભનિરોધક ઉપકરણ ઈંટ્રાયૂટ્રાઈન ડિવાઈસ (iud) લગાવ્યું છે તો તેનાથી પણ પીરિયડ્સ દરમિયાન હેવી બ્લીડિંગ થાય છે. 

આ સંકેત જણાવે છે કે તમારું પીરિયડ્સ હેવી છે

• સેનિટરી નેપકિન અથવા ટેમ્પૂન્સ યૂઝ કર્યા બાદ પણ બ્લડના ડાઘ તમારા કપડાં પર દેખાય.
• દર 2 કલાકથી ઓછાં સમયમાં તમારે સેનિટરી પ્રોડક્ટ્સ ચેન્જ કરવાની જરૂર પડે.
• લીકેજ રોકવા માટે બે પ્રકારના સેનિટરી પ્રોડક્ટનો ઉપયોગ કરવો પડે.