ગ્રહણ / જાણો 2022માં ક્યારે કેટલા સૂર્ય તથા ચંદ્ર ગ્રહણ લાગશે, જીવન પર પડશે મોટી અસર!

ખગોળ વિજ્ઞાન તથા જ્યોતિષ બંનેમાં સૂર્ય ગ્રહણ તથા ચંદ્ર ગ્રહણની ઘટનાઓને ખૂબ જ મહત્વ આપવામાં આવે છે. આ ગ્રહણોને જોવાં, તેમાંથી નવી જાણકારીઓ મેળવવા માટે ખગોળ વિજ્ઞાની જ્યાં રાહ જુએ છે, ત્યાં જ જ્યોતિષમાં ગ્રહણોને અશુભ માનવામાં આવે છે. આ ગ્રહણોની જીવન પર મોટી અસર પડે છે. સાલ 2022 ની વાત કરીએ તો આ વર્ષે કુલ 4 ગ્રહણ લાગશે. આમાંથી 2 સૂર્ય ગ્રહણ તથા 2 ચંદ્ર ગ્રહણ છે. 

આ તારીખો પર લાગશે ગ્રહણ 

વર્ષનું પહેલું ગ્રહણ: સાલનું પહેલું ગ્રહણ સૂર્ય ગ્રહણ હશે. 30 એપ્રિલ 2022ના રોજ બપોરે 12:15 થી સાંજે 04:07 વાગ્યા સુધી રહેશે. આ આંશિક સૂર્ય ગ્રહણ હશે. આ દક્ષીણ-પશ્ચીમ અમેરિકા, પ્રશાંત એટલાન્ટિક તથા એન્ટાર્કટિકામાં જોવા મળશે. ભારતમાં આ ગ્રહણ જોવા મળશે નહિ. 

વર્ષનું બીજું ગ્રહણ: સાલનું બીજું ગ્રહણ ચંદ્ર ગ્રહણ હશે. સાલ 2022 નું બીજું ગ્રહણ તથા પહેલું ચંદ્ર ગ્રહણ 16 મેના રોજ લાગશે. આ સવારે 07:02 થી બપોરે 12:20 સુધી રહેશે. પહેલા સૂર્ય ગ્રહણની જેમ જ ચંદ્ર ગ્રહણ પણ ભારતમાં જોવા મળશે નહિ. આ ગ્રહણ દક્ષિણી-પશ્ચિમી યુરોપ, દક્ષિણી-પશ્ચિમી એશિયા,આફ્રિકા, ઉત્તરી અમેરિકા, દક્ષિણી અમેરિકા, પેસિફિક, એટલાન્ટિક, એન્ટાર્કટિકા, હિંદ મહાસાગરમાં જોવા મળશે. 

વર્ષનું ત્રીજું ગ્રહણ: સાલ 2022નું ત્રીજું ગ્રહણ તથા બીજું સૂર્ય ગ્રહણ 25 ઓક્ટોબર ના રોજ લાગશે. આ પણ આંશિક ગ્રહણ છે તથા સાંજે 04:29 થી 05:42 સુધી રહેશે. આ પણ ભારતમાં જોવા મળશે નહિ. આ યુરોપ, દક્ષિણ-પશ્ચિમ એશિયા, આફ્રિકા તથા એટલાંટિકામાં જોવા મળશે. 

વર્ષનું છેલ્લું ગ્રહણ: સાલનું છેલ્લું ગ્રહણ 8 નવેમ્બરના રોજ બપોરે 01:32થી સાંજે 07:27 સુધી રહેશે. આ પૂર્ણ ચંદ્ર ગ્રહણ હશે તથા ભારતમાં પણ દેખાશે. આ ગ્રહણ ભારત સાથે સાથે દક્ષિણી-પૂર્વી યુરોપ, એશિયા, ઓસ્ટ્રેલીયા, ઉત્તરી અમેરિકા, દક્ષિણી અમેરિકા, પેસિફિક, એટલાન્ટિક તથા હિંદ મહાસાગરમાં જોવા મળશે.