આજકાલની જીવનશૈલી એવી થઈ ગઈ છે કે જેના કારણે માનસિક રોગો ખૂબ જ ઝડપથી વધી રહ્યાં છે. જેમાં ડિપ્રેશન એક માનસિક વિકાર છે. તો ચાલો જાણીએ ડિપ્રેશન થવાના 5 કારણો.
અત્યારે માનસિક રોગો ખૂબ જ ઝડપથી વધી રહ્યાં છે
માનસિક રોગોને કારણે શરીરમાં બીમારીઓ વધે છે
ડિપ્રેશનના કારણો સમજવા જરૂરી છે
ડિપ્રેશન વ્યક્તિને અંદરથી ખતમ કરી નાખે છે. ડિપ્રેશનથી પીડિત લોકોના મગજમાં અનેક પ્રકારના સવાલ આવે છે અને તે એકસાથે ઘણી વસ્તુઓ વિશે વિચારતા રહે છે. ડિપ્રેશન થવા પાછળ ઘણાં કારણો જવાબદાર હોઈ શકે છે પણ આ અમે તમને જણાવીશું કે તમારી લાઈફસ્ટાઈલ કઈ રીતે ડિપ્રેશનનું કારણ બની શકે છે. તો ચાલો જાણીએ.
તણાવ
આજકાલ લોકો દરેક નાની-નાની બાબતોમાં તણાવ લેવા લાગ્યા છે અને તે આગળ જતાં ડિપ્રેશનનું સ્વરૂપ લઈ છે. ડિપ્રેશનથી બચવા માટે સૌથી પહેલાં આવા તણાવને કંટ્રોલ કરવાની જરૂર છે અને આ સમસ્યામાંથી છૂટકરો કઈ રીતે મેળવવો તે વિચારવાની જરૂર છે.
દુઃખ
કોઈપણ પ્રકારનું દુઃખ લાગી જવું પણ ડિપ્રેશન તરફ દોરે છે. આ જ કારણથી જો જીવનમાં કોઈપણ દુઃખ આવે તો મિત્રો અને પરિવારજનો સાથે તેને શેયર કરવું જોઈએ, જેથી મનમાં હળવાશ અનુભવાય અને નાની બાબતોમાં દુખ ન લગાડવું જોઈએ.
લોકોથી દૂર થઈ જવું
ઘણીવાર કેટલાક લોકો તમારા દિલની નજીક હોય છે અને અચાનક તેમનાથી દૂર થવા પર ડિપ્રેશન થઈ જાય છે. એવામાં મોટાભાગનો સમય તમારા પોતાનાઓ સાથે વિતાવવાનો પ્રયાસ કરવો, જેથી તમે જે-તે વ્યક્તિના વિચારોમાંથી બહાર આવી શકો અને તમારા મનની વાતો શેયર કરવી.
ભાવનાત્મક રીતે નબળાં થઈ જવું
ઘણીવાર લોકો જીવનમાં કેટલાક બનાવોથી ભાવનાત્મક રીતે સાવ નબળાં થઈ જાય છે અને તેના કારણે લોકો તેમને નાપસંદ પણ કરવા લાગે છે. આવા લોકો આવી વાતો વિશે એટલું વિચારે છે કે તેમને ડિપ્રેશન થઈ જાય છે. જેથી ડિપ્રેશનથી બચવા માટે તમારી લાઈફસ્ટાઈલમાં ચેન્જિસ લાવવા બહુ જ જરૂરી છે.
પૂરતી ઊંઘ ન લેવી
પૂરતી ઊંઘ ન લેવી એ ડિપ્રેશનનું એક મોટું કારણ છે. ઊંઘ પૂરી ન થવાને કારણે તમારું મગજ પ્રભાવિત થાય છે અને ઘણીવાર તે ડિપ્રેશનનું કારણ બને છે. એવામાં રોજ 6-7 કલાકની ઊંઘ અવશ્ય લેવી.