આપણા બધાના ઇડલી સંભાર ફેવરિટ હશે અને ઇડલી-સંભારનું નામ સાંભળતાથી મોઢામાં પાણી આવી જતુ હશે.
અડદની દાળ, ચોખા અને રવાથી બનેલી ઇડલી લોકો ખૂબ જ ખાવાનું પસંદ કરે છે. સવારે બ્રેકફાસ્ટમાં ઇડલી ખાવાથી સારા માત્રામાં ન્યૂટ્રિશન મળે છે. પરંતુ શું તમે જાણો છો સ્વાદિષ્ટ ઇડલી વજન ઉતારવા માટે પણ ફાયદાકારક છે.. તમે તમારા ડેઇલી ડાયટમાં ઇડલી શામેલ કરીને ઝડપથી વજન ઓછું કરી શકો છો.
તળેલી ના હોવાથી તેલની માત્રા નહિવત્:
- ઇડલી તળેલી નથી હોતી પરંતુ સ્ટીમ કરીને બનાવવામાં આવે છે, જેના કારણે તેમાં તેલ કે ચરબી વધારતા કોઇ પદાર્થ નથી હોતા. તેલ ના હોવાને કરાણે તેમાં કેલેરી પણ ઓછી હોય છે. ઇડલી ચોખાની બને છે અને તેમાં કાર્બોહાઇડેટ્રસ સારી માત્રામાં હોય છે, જેથી તમે ઇડલીના ખીરામાં ચોખા કરતા અડદની દાળ અને રવાનું પ્રમાણ વધારી દો. તમે ઇડલીમાં શાકભાજી ઉમેરીને બનાવી શકો છો તેના કારણે તે વધારે ટેસ્ટી અને હેલ્ધી બનશે..
સરળતાથી પચી જશે ઇડલી:
- ઇડલી સરળતાથી પચી જાય છે. આથો લાવેલા તમામ ખાદ્યપદાર્થ પચવામાં સરળ હોય છે. તેને કારણે શરીરમાં મિનરલ્સ અને વિટામિન સરળતાથી મળે છે જે પચવામાં મદદરૂપ થાય છે. આથેલા ભોજનમાં લેક્ટિક એસિડ હોય છે. જે આંતરડામાં Ph લેવલ બદલી શકે છે જે સ્વાસ્થ્ય માટે ફાયદારૂપ છે.
પ્રોટીન અને ફાઇબરથી ભરપૂર:
- ઇડલીમાં મ.ળતું પ્રોટીન અને ફાઇબરથી લાંબા સમય સુધી ભૂખ લાગતી નથી. આ સાથે ફાઇબર હોવાથી સરળતાથી પાચન કરવામાં મદદરૂપ થાય છે. આ તમારા વજન ઓછુ કરવામાં માટે જરૂરી હોય છે
એન્ટીઓક્સિડન્ટની પર્પાપ્ત માત્રા:
- ફાઇબર, પ્રોટીન અને એન્ટીઓક્સિડન્ટથી ભરપૂર સંભાર પાચનને સરળ બનાવે છે અને વજન ઓછું કરવામાં મદદ કરે છે. આ સિવાય વજન ઘટાડવા માટે તમે સંભારમાં ઉપયોગમાં આવતી તમામ શાકભાજીઓ સિવાય અન્ય શાકભાજીઓ પણ શામેલ કરી શકો છો.
આ રીતે બનાવો હેલ્ધી ઇડલી:
- તમે ઇડલીના ખીરામાં ખટાશ ઉમેરીને શરીરમાં કાર્બોહાઇડ્રેટ્રસ જમા થતા અટકાવી શકો છો. તમે ઈડલીના ખીરામાં ઓટ્સ ઉમેરીને તેને વધુ હેલ્ધી બનાવી શકો છો. ઓટ્સમાં ફાઇબર અને પ્રોટીન સારીમાત્રામાં હોય છે જેને કારણે પેટ ભરેલુ લાગે છે.
નોંધ: આ પ્રકારના ઉપાય ડોક્ટરની સલાહ તરીકે ના લેવા, આ ઉપાયો કરતા પહેલા તમારા ફેમિલી ડોક્ટરનો સંપર્ક કરવો જરૂરી છે.