કામની ટિપ્સ / રોજિંદા જીવનમાં આ 10 વાતોનું ધ્યાન રાખશો તો તમને નહીં થાય કેન્સર, અન્ય રોગો સામે પણ મળશે રક્ષણ

• ખોરાક અને લાઈફસ્ટાઈલ જ રોગોથી બચાવે છે
• કેન્સર થવાનું જોખમ ઘટાડે છે આ ટિપ્સ
• રોગોથી બચવું હોય તો આ નિયમો અપનાવી લો

હેલ્ધી ફૂડથી ફક્ત કેન્સરથી દૂર જ નથી રહેવાતું, પરંતુ જો એક વાર કેન્સર થયું હોય તો હેલ્ધી ફૂડથી તેને ફરી થતું અટકાવી શકાય છે. કોઈ પણ પ્રકારના કેન્સરમાં 30થી 40% કેન્સર થવા માટે ખોરાક જવાબદાર છે.

આ ટિપ્સ અપનાવો

• સાદુ, સુપાચ્ય અને ઘરનો ખોરાક ખાવાથી પાચનતંત્ર સારું રહે છે અને પાચન ઠીક રહેવાથી રોગો થવાનો ખતરો ઓછો થાય છે.
• આજકાલ ફળ-શાકભાજી પર પેસ્ટિસાઇડ્ઝ ખૂબ છાંટવામાં આવે છે માટે ઓર્ગેનિક ખોરાક(છાણિયા ખાતર)માંથી બનાવવામાં આવતા ફળ-શાકભાજી ખાવાથી કેન્સર થવાની સંભાવના ઘટે છે. બને ત્યાં સુધી શાકાહાર ખાવાનો આગ્રહ રાખો. 
• વધુ પડતી કેલરીવાળો ખોરાક ખાસ કરીને વધુ તેલવાળો, તળેલો, ઘીવાળો ખોરાક ખાવાથી વજન વધે છે. જેથી શરીરમાં એસ્ટ્રોજનનો વધારો થાય છે. જેના કારણે સ્તન કેન્સર થઈ શકે છે. 
• વધુ પડતા તળેલા, ઘીવાળા ખોરાક જ્યારે સ્ત્રીઓ નાની ઉંમરે ખાવા માંડે છે ત્યારે કદાચ ભલે વજન ન વધે, પરંતુ તેના કારણે મોટી ઉંમરે બ્રેસ્ટ કેન્સર થઈ શકે છે. 
• જો બાળકોને નાનપણથી જ જંકફૂડથી દૂર રાખીએ, ઘરનું બનાવેલું ઓછા તેલનું ખાવાનું આપીએ અને તેમનું વધુ પડતું વજન ન થાય તેની કાળજી રાખીએ તો મોટી ઉંમરે કેન્સર ડેવલપ થવાના ચાન્સ ઘટી જાય છે. 
• બને ત્યાં સુધી વધુ ડ્રાયફ્રૂટનો ઉપયોગ કરો. ફ્લેક્સસીડ્સ, પમ્પકીન સીડ્ઝ, સનફ્લાવર સીડ્ઝ ખાવાનું રાખો. 
• દિવસ દરમિયાન 10થી 12 ગ્લાસ પાણી પીવો, જેથી કબજિયાતને દૂર રાખી શકાય.
• ખાસ કરીને આદુનો રસ, તુલસી, લીંબુ, ગાજર-બીટનો રસ, તાજી હ‌ળદરના રસનો વપરાશ વધારો.
• એનિમલ પ્રોડક્ટ એટલે કે દૂધ અને દૂધની બનાવેલી વસ્તુઓમાંથી બનાવેલા ખોરાક કરતાં ફળ અને શાકભાજીવાળો ખોરાક વધુ પસંદ કરવો જરૂરી છે. દૂધની જગ્યાએ સોયામિલ્ક વાપરી શકાય છે. 
• દવાઓને લીધે વારંવાર આવતા ઊબકા અને ઊલટીને દૂર રાખવા સૂકવેલું આદું-આમળાં વગેરેનો ઉપયોગ કરો.