આધાર કાર્ડ જારી કરનારી સંસ્થા UIDAI એ વર્ચુઅલ આઇડી રૂપમાં આધાર કાર્ડનો વિકલ્પ આપ્યો છે. આ 16 ડિજીટનો નંબર છે જેને આધારના વિકલ્પ તરીકે ઉપયોગ કરી શકાશે.
જો તમે કોઇને તમારો આધાર નંબર આપવા નથી ઇચ્છતો તો વાંધો નહીં, આધાર કાર્ડ જારી કરનાર સંસ્થા UIDAI એ વર્ચુઅલ આઇડી (VID) રૂપમાં આધાર કાર્ડનો વિકલ્પ આપ્યો છે. આ 16 ડિજીટનો નંબર છે જેને આધારના વિકલ્પ તરીકે ઉપયોગ કરી શકાશે. VID થી તમને ખાનગી અને સરકારી સંસ્થાનોને તમારો આધાર નંબર આપ્યા વગર ટ્રાન્ઝેક્શન અને ઇ કેવાઇસી સેવાઓને પ્રમાણિત કરવાની સહૂલિયત મળે છે.
વર્ચુઅલ આઇડી એક 16 ડિજીટનો નંબર છે. જેને આધાર ધારક દ્વારા બનાવી અને બદલી શકાય છે. વર્ચુઅલ આઇડીને આધાર ધારક ઘણી વખત બદલી શકે છે. હાલ વર્ચુઅલ આઇડી ન્યૂનતમ એક દિવસ માટે વેલિડ છે. એનો અર્થ આધાર ધારક વર્ચુઅલ આઇડીને એક દિવસ બાદ રીજનરેટ કરી શકે છે. એક વર્ચુઅલ આઇડી ત્યાં સુધી માન્ય હશે જ્યાં સુધી આધાર ધારક નવું આઇડી બનાવી ના દે. એક સમય પર કોઇ પણ આધાર કાર્ડ માટે માત્ર એક જ એક્ટિવ વર્ચુઅલ આઇડી હોઇ શકે છે.
કેવી રીતે બનાવશો વર્ચુઅલ આઇડી
વર્ચુઅલ આઇડી જનરેટ કરવા માટે સૌથી પહેલા યૂઝર્સને UIDAI ની સત્તાવાર વેબસાઇટ પર જવું પડશે.
લોગઇન કર્યા બાદ યૂઝર્સને આધાર સર્વિસમાં જઇને Virtual ID પર ક્લિક કરવું પડશે.
હવે એક પેજ ઓપન થશે જેમાં તમારે 16 ડિજીટનો નંબર નાંખવો પડશે. ત્યારબાદ સિક્યોરિટી કોડ નાંખીને OTP જનરેટ કરો. આ OTP તમારા રજિસ્ટર્ડ મોબાઇલ નંબર પર આવશે.
ત્યારબાદ OTP એન્ટ કરો અને Generate VID પર ક્લિક કરો. પ્રોસેસ પૂરી થયા બાદ તમારી પાસે VID જનરેટ થવાનો મેસેજ આવશે.
નવું બેંક ખાતું ખોલવા, સરકારી સબ્સિડી મેળવવા, તત્કાલ પાસપોર્ટની અરજી કરવા અને નવી વીમા પોલિસી ખરીદવા માટે ફરજીયાત છે. આ તમામ કેસમાં તમારું આધાર કાર્ડ આપવાની જગ્યાએ 16 આંકડા વાળું વર્ચુઅલ આઇડી આપી શકો છો.