ઈન્ડિયન રેલ્વે કેટરિંગ એન્ડ ટુરિઝ્મ કોર્પોરેશનની iMudra એપ્લિકેશન પર યાત્રીઓને ઈ-વોલેટની સુવિધા મળે છે. જેની મદદથી યાત્રીઓ ગમે ત્યારે માત્ર એક ક્લિક (Tap & Pay)કરીને પેમેન્ટ કરી શકે છે. ટેપ એન્ડ પેની સુવિધા દ્વારા યુઝર્સે પોતાના ડેબિડ અથવા ક્રેડિટ કાર્ડના પિનની જરૂર નહીં પડે. તેઓ માત્ર એક ટેપ દ્વારા પેમેન્ટ કરી શકશે. આ સુવિધા મેળવવા માટે યુઝરે આ એપમાં ડેબિટ અથવા ક્રેડિટ કાર્ડને લિંક કરવું પડે છે.
IRCTCના યાત્રીઓ માટે સારાં સમાચાર
iMudra એપ પણ મળશે ઈ-વોલેટની સુવિધા
આ એપમાં માત્ર એક ક્લિકથી કરી શકશો પેમેન્ટ
iMudra એપમાં યુઝરને ઘણાં ફાયદા મળે છે. તેની મદદથી યુઝર પેમેન્ટ, ઈઝી ઓટીપી ફીચર દ્વારા સરળતાથી ટિકિટ બુક કરી શકે છે. iMudra એપમાં તમને વર્ચ્યુઅલ કાર્ડ મળે છે. જેનો ઉપયોગ તમે ડેબિટ કાર્ડ તરીકે કરી શકો છો. તેની મદદથી તમે ઈન્ડિયાના કોઈપણ ઓનલાઈન સ્ટોરમાંથી શોપિંગ કરી શકો છો. તેમાં આધાર દ્વારા કેવાયસી કરવામાં આવે છે.
આ મોબાઈલ એપ્લિકેશન સરળ અને સુરક્ષિત રીતે ટ્રાન્ઝેક્શન થઈ શકે છે
આ મોબાઈલ એપ્લિકેશન સરળ અને સુરક્ષિત રીતે ટ્રાન્ઝેક્શન થઈ શકે છે, સાથે જ યુઝર્સને ઓનલાઈન અને ઓફલાઈન શોપિંગની સાથે મિત્રો અને પરિવારજનોને પૈસા ટ્રાન્સફર કરવાનો ઓપ્શન પણ મળે છે. iMudra અકાઉન્ટ, ડિજિટલ વોલેટ અને પ્રીપેડ કાર્ડની સાથે આવે છે. તમે આ સુવિધા હેઠળ એટીએમમાંથી પૈસા પણ કાઢી શકો છો. પણ આ સુવિધા માટે તમારે આઈઆરસીટીસી મુદ્રા પર સાઈન-અપ કરવું પડશે. જ્યાં યુઝરને ફિઝિકલ અથવા તો વર્ચ્યુઅલ કાર્ડ જનરેટ કરવો પડે છે.
આ એપની મદદથી પૈસા ટ્રાન્સફર કરી શકો છો
આમાં તમને ટોપ-અપનો ઓપ્શન પણ મળી રહે છે. આઈઆરસીટીસી પર રેલ્વે ટિકિટ બુકિંગનો સારો અનુભવ મળે છે. iMudra નેટવર્કમાં રહેલાં તમામ મિત્રો અને પરિવારજનોને પૈસા પણ મોકલી શકાય છે. આમાં એક્સક્લૂસિવ પાર્ટનર્સથી પણ આકર્ષક ઓફર્સ મળે છે.