OMG / કરોડોની કમાણી કરી રહ્યો છે 'કુલી'નો નાનો અમિતાભ બચ્ચન, આ ફિલ્ડમાં બન્યો 'બાદશાહ'

‘છોટુ તુઝે ભૂખ લગી હૈ’ ફિલ્મ અમર અકબર એન્થનીમાં આ નાનકડા બાળકના મોઢે આ ડાયલોગ સાંભળીને ભલભલાનું દિલ પીગળી જાય. આ જ ફિલ્મમાં છોકરાએ સાબિત કરી દીધુ હતુ કે તે લાંબી રેસનો ઘોડો છે. આ બાળકે અમર અકબર એન્થની, કૂલી સહિત અનેક ફિલ્મોમાં અમિતાભ બચ્ચનના બાળપણનુ પાત્ર ભજવ્યુ હતુ. જાણો છો  આ છોકરો કોણ છે અને  આજે શું કરી રહ્યો છે?


 
આ બાળકનું માસ્ટર રવિ છે, તેણે 1976માં ફિલ્મ ફકીરાથી ડેબ્યૂ કર્યુ હતુ પરંતુ તેણે ઓળખ 1977માં રિલીઝ થયેલી ફિલ્મ અમર અકબર એન્થનીથી મળી હતી અને રાતોરાત સ્ટાર બની ગયો હતો.


આ ફિલ્મ પછી માસ્ટર રવિએ દેશ પ્રેમી, શક્તિ અને કુલી જેવી ફિલ્મોમાં કામ કર્યુ,  આ ફિલ્મમોમાં માસ્ટર રવિએ અમિતાભ બચ્ચનના બાળપણનો રોલ ભજવ્યો હતો. માસ્ટર રવિએ પોતાની કારકિર્દીમાં 300થી વધુ ફિલ્મો કરી. આટલી ફિલ્મો તો અમિતાભ બચ્ચન કે બીજા કોઇ સ્ટારે નથી કરી.
 

તમને જાણીને નવાઈ લાગશે કે માસ્ટર રવિ એટલે કે રવિ વલેચા આજ હોસ્પિટાલિટી ઈન્ડસ્ટ્રીમાં મોટું નામ છે. તે ટોચની પ્રાઈવેટ સેક્ટર બેંકોને હોસ્પિટાલિટીની સેવા આપે છે. વીસ વર્ષથી તે આ ફિલ્ડમાં રાજ કરી રહ્યા છે, તેમણે અમદાવાદના નેશનલ ઇન્સ્ટિટ્યૂટ ઑફ મેનેજમેન્ટમાંથી હોસ્પિટિલિટી અને ફેસિલીટીઝમાં એમબીએની ડીગ્રી લીધી. ત્યાર પછી તેમણે આ ફિલ્ડમાં પગ જમાવ્યા  અને આજે તેમનો બિઝનેસ કરોડોમાં છે.
 

આટલું જ નહિ જે યુવાનો હોસ્પિટાલિટી ફિલ્ડનો હિસ્સો બનવા માંગે છે. તેને રવિ વલેચા પર્સનાલિટી ડેવલપમેન્ટ અને સ્કિલ્સની ટ્રેનિંગ  પણ આપે છે. તેમની સરફળતાની યાત્રા અદ્ભુત છે. ફિલ્મમો તેમણે અમિતાભ બચ્ચનનો રેકોર્ડ તોડ્યો જ છે, પણ સાથોસાથે હોસ્પિટાલિટી ક્ષેત્રના પણ બાદશાહ બની ગયા છે.