દિલીપ જોશી એટલે કે તારક મહેતા કા ઉલ્ટા ચશ્માનાં જેઠાલાલ એક સમયે માત્ર 50 રૂપિયામાં કામ કરતા હતા અને આજે તેમની પાસે લગભગ 40 કરોડની સંપત્તિ છે.
દિલીપ જોશી એટલે કે જેઠાલાલ છે ટીવી જગતના પોપ્યુલર એક્ટરમાંના એક
એક સમયે દિવસનાં માત્ર 50 રૂપિયા કમાતા હતા
આજે છે લગભગ 40 કરોડની સંપત્તિ
દિલીપ જોશી એટલે કે જેઠાલાલ છે ટીવી જગતના પોપ્યુલર એક્ટરમાંના એક
ટીવી સિરીયલ 'તારક મહેતા કા ઉલ્ટા ચશ્મા' ફેમ દિલીપ જોશી ટીવી જગતના પોપ્યુલર એક્ટર્સમાંના એક છે. તેમણે જેઠાલાલ ચંપકલાલ ગડાનું પાત્ર ભજવીને ફેન્સનાં દિલોમાં પોતાની ખાસ જગ્યા બનાવી છે. દિલીપે વર્ષ 1989માં ફિલ્મ 'મૈને પ્યાર કિયા' સાથે એન્ટરટેનમેન્ટ ઇન્ડસ્ટ્રીમાં એન્ટ્રી કરી હતી.
જેઠાલાલની આલિશાન લાઈફ
દિલીપ જોશી પાસે KIA મોટર્સની એક Audi Q4, Innova અને SUV છે. તેમણે વર્ષ 2021માં દિવાળીનાં અવસર પર પણ એક કાર ખરીદી હતી. આ ઉપરાંત, તેમણે મુંબઈની તાજ હોટલમાં પોતાની દીકરીના લગ્નની રિસેપ્શન પાર્ટી રાખી હતી. જણાવી દઈએ કે દિલીપ જોશીએ 14 વર્ષની ઉંમરથી કામ કરવાનું શરુ કર્યું હતું. એક સમયે તેઓ માત્ર દિવસનાં 50 રૂપિયા કમાતા હતા. મીડિયા રિપોર્ટ્સ અનુસાર, આજે તેઓ એક એપિસોડ માટે 1.5-2 લાખ રૂપિયા ચાર્જ કરે છે. દિલીપ જોશીની કુલ સંપત્તિ 40 કરોડ જણાવવામાં આવે છે.
આ શોઝ અને ફિલ્મોમાં જોવા મળ્યા છે દિલીપ જોશી
દિલીપ જોશી પાસે મુંબઈનાં અંધેરીમાં એક ફ્લેટ છે. તેઓ પોતાના ટીવી શો, એન્ડોર્સમેન્ટ અને ઇવેન્ટનાં માધ્યમથી કરોડો રૂપિયા કમાય છે. તમને જણાવી દઈએ કે દિલીપ જોશી 'ફિર ભિ દિલ હૈ હિન્દુસ્તાની' અને 'હમ આપકે હૈ કૌન' જેવી ઘણી ફિલ્મોમાં કામ કરી ચુક્યા છે. આ ઉપરાંત, એક્ટરને ' કભી યે કભી વો' , 'હમ સબ એક હૈ' જેવા ઘણા ટીવી શોમાં પણ જોવામાં આવ્યા છે. જોકે, તેમને ઓળખાણ અપાવી તારક મહેતા કા ઉલ્ટા ચશ્મામાં જેઠાલાલનાં પાત્રએ.