દરેક ઘરની રસોઈમાં બટાકું તો સરળતાથી મળી રહે છે. ડાર્ક સર્કલ્સની સાથે અનેક બ્યૂટી ઉપયોગમાં બટાકું મદદ કરે છે. આ સિવાય સફાઈના કામમાં પણ બટાકાનો ઉપયોગ કરવામાં આવે તો તમારું કામ સરળતાથી થઈ જાય છે. મોટાભાગે લોકો બટાકાના આ ઉપયોગ જાણતા નથી. જો તમે આ ટિપ્સ અપનાવી લેશો તો તમારું કામ સરળ બનશે.
જૂતાંની ખોવાયેલી ચમક પાછી લાવવામાં બટાકા ઉપયોગી છે. તેનો ટુકડો લઇને જૂતાં પર ઘસો અને પછી પોલિશ કરી લો.
પાણીમાં બટાકા બાફો અને તે પાણીમાં ચાંદીના વાસણ થોડી વાર રહેવા દો. વાસણની કાળાશ દૂર થશે.
લોખંડનો કાટ દૂર કરવા બટાકું ઘસો. તેના રસમાં રહેલો એસિડ કાટને સાફ કરી દેશે.
સૂપમાં મીઠું વધારે પડી ગયું છે તો તેમાં બટાકાના નાના ટુકડા નાંખી ચઢવી લો. મીઠું ન્યૂટ્રલાઇઝ થશે.
ગોગલ્સ ક્લીન કરવા માટે કાચા બટાકાના ટુકડા તેની પર ઘસો. ગંદગી સાફ થશે. ત્યારબાદ તેને સાફ પાણીથી ધોઇ લો.
હળદર અને બીટનો રંગ નખ પરથી નીકળી ન રહ્યો હોય તો બટાકાના ટુકડા કે તેનો રસ લગાવો.
બારીના ગ્લાસ સાફ કરવા માટે કાચા બટાકાની સ્લાઇસ યુઝ કરો. આ નોન ટોક્સિક સોલ્યુશન છે.
સનબર્ન હોય તો બટાકાની સ્લાઇસ પાંચ મિનિટ સુધી ઘસો. ઠંડા પાણીથી તેને ધોઇ લો. રાહત મળશે.
ખરાબ બટાકાને ફેંકો નહીં. તેને કૂંડા કે બગીચામાં ઝાડની આસપાસ માટી ખોદીને દબાવી દો. તેનો ગ્રોથ સારો થાય છે.
આંખોની આસપાસનો સોજો ઓછો કરવા માટે બટાકાની સ્લાઇસ આંખો પર રાખો અને થોડો સમય સૂઇ જાઓ. આંખો નોર્મલ થઇ જશે.
મસલ્સ પેઇન થઇ રહ્યું છે તો તમે બટાકાથી હોટ કે કોલ્ડ ક્મ્પ્રેશન બનાવી શકો છો. બોઇલ કરેલા કે ફ્રિઝમાં રાખેલા બટાકાને કપડામાં રાખીને શેક કરો.
બટાકામાં બ્લિચિંગ એજન્ટ હોય છે. કોણી અને આર્મપિટ્સની કાળાશ દૂર કરવા માટે બટાકાનો રસ લગાવો.
ડાર્ક સર્કલ્સ દૂર કરવામાં બટાકા ઉપયોગી છે. તે આંખોને રિલેક્સ કરવામાં મદદ કરે છે.
બટાકાની છાલને પાણીમાં 10 મિનિટ બોઇલ કરો. આ પાણીથી વાળને શેમ્પૂ કરો અને ધૂઓ, નેચરલ શાઇન મળશે.