જો તમે જૂની કંપનીના પીએફને નવી કંપનીમાં ટ્રાન્સફર કરવા માંગો છો તો હવે આ સમાચાર તમારા માટે ખૂબ જ ઉપયોગી છે. EPFOએ ટ્વીટ કરીને આ જાણકારી આપી છે. હવે તમે તેને ઘરે બેઠા સરળતાથી ટ્રાન્સફર કરી શકો છો.
નોકરી બદલ્યા બાદ જરૂર કરો આ પ્રોસેસ
જુની કંપનીનો PF નવી કંપનીમાં આ રીતે કરો ટ્રાન્સફર
જાણો સ્ટેપ ટૂ સ્ટેપ પ્રોસેસ
જો તમે પોતાની જોબ કે કંપની બદલી છે તો પીએફ બેલેન્સ જરૂર ટ્રાન્સફર કરી લો. મોટાભાગે લોકો જ્યારે એક કંપનીમાંથી જોબ બદલીને બીજી કંપની જોઈન કરે છે પરંતુ પોતાનું PF બેલેન્સ ટ્રાન્સફર કરવાનું ભૂલી જાય છે.
પરંતુ હવે તમારે તેની ચિંતા કરવાની જરૂર નથી. જો તમે 1, 2, 3 અથવા તો 4 કંપની બદલી હોય તો પણ તમે જૂની કંપનીમાંથી તમારી PF બેલેન્સ તમારી હાલની કંપનીના PF એકાઉન્ટમાં ટ્રાન્સફર કરી શકો છો. ચાલો જાણીએ તેની સંપૂર્ણ પ્રોસેસ.
PF ટ્રાન્સફર માટે ફરજિયાત દસ્તાવેજો
જૂના EPF બેલેન્સને નવા ખાતામાં ટ્રાન્સફર કરવા માટે તમારી પાસે સક્રિય UAN નંબર અને પાસવર્ડ હોવો જરૂરી છે. આ સાથે તમારા UAN નંબરમાં તમામ પ્રકારની માહિતી અપડેટ થવી જોઈએ. જેમ કે બેંક એકાઉન્ટ નંબર, મોબાઈલ નંબર, આધાર નંબર, તમારે UAN માં અપડેટ કરવું જોઈએ.
પીએફ એકાઉન્ટ બેલેન્સ કેવી રીતે ચેક કરવું
આ માટે તમે પહેલા EPFOની સત્તાવાર વેબસાઇટ https://unifiedportal-mem.epfindia.gov.in/memberinterface/ પર જાઓ.
આ પછી UAN નંબર, પાસવર્ડ અને કેપ્ચા દાખલ કર્યા પછી લોગ ઇન કરો.
લોગ ઇન કર્યા પછી તમે હોમ પેજ પર આવશો. અહીં Members Profile પર જાઓ. તમારી બધી અંગત વિગતો અહીં તપાસો.
તમારું નામ, આધાર વિગતો, પાન કાર્ડની ચકાસણી કરવી જોઈએ. આ સિવાય ઈમેલ આઈડી, મોબાઈલ નંબર અને બેંક ખાતાની વિગતો પણ યોગ્ય રીતે ભરવાની રહેશે.
પીએફ ટ્રાન્સફર કરતા પહેલા તમારે તમારી પાસબુક ચેક કરી લેવી જોઈએ. આ માટે તમારે વ્યૂમાં જવું પડશે જ્યાં પાસબુકનો વિકલ્પ દેખાશે.
પાસબુક પર ક્લિક કર્યા પછી, તમારે ફરી એકવાર લોગ ઇન કરવું પડશે.
લોગિન કર્યા પછી તમે સિલેક્ટ મેમ્બર આઈડી પર ક્લિક કરશો કે તરત જ એક સંપૂર્ણ યાદી ખુલશે. તમે જે કંપનીઓમાં કામ કર્યું છે તે તમામ કંપનીના મેમ્બર આઈડી દેખાશે. સૌથી નીચે ID તમારી હાલની કંપનીની છે. અહીં તમે પાસબુક જોઈને તમારી તમામ કંપનીઓમાં PF બેલેન્સ ચેક કરી શકો છો.