બોલિવૂડ એક્ટ્રેસ દીપિકા પાદુકોણ કન્ઝ્યૂમર બેઝ્ડ રિટેઈલ સ્ટાર્ટઅપ્સમાં એક એક્ટિવ રોકાણકાર તરીકે પણ એક્ટિવ છે.
KA એન્ટરપ્રાઈઝીસ બનાવવાના 18 મહિનાની અંદર જ તેણે ઓનલાઈન ફર્નીચર રેન્ટલ પ્લેટફોર્મ ફર્લેન્કો અને બ્યૂટી પ્રોડક્ટ્સ વેચતા ઓનલાઈન પ્લેટફોર્મ પર્પલ જેવા સ્ટાર્ટઅપ્સમાં રોકાણ કર્યું છે. KA એન્ટરપ્રાઈઝ, દીપિકા પાદુકોણની ફેમિલી ઓફિસને મેનેજ કરે છે. હાલ લેટેસ્ટ રોકાણની વાત કરવામાં આવે તો તેણે દહીં બનાવનાર ફ્રેન્ચ ફૂડ પ્રોડક્ટ દિગ્ગજ ડેનોની એપિગામિયામાં રોકાણ કર્યું છે.
દીપિકા પાસે મિંત્રાની સાથે જ કપડાઓની બ્રાન્ડ ‘ઓલ અબાઉટ યૂ’નો સંયુક્ત હક પણ છે. આ ઉપરાંત તેના બીજા સ્ટાર્ટઅપ્સમાં રોકાણને જાહેર કરવામાં નથી આવ્યું.
દીપિકા ઈન્વેસ્ટમેન્ટના નામ પર માત્ર કેપિટલ જ નથી ઉપલબ્ધ કરાવતી પરંતુ તે કંપની સાથે તેની રણનીતિ સાથેના નિર્ણયમાં પણ સાથ આપે છે. વિદેશોમાં દીપિકા પાદુકોણના બ્રાન્ડને ત્યાં વસેલા ભારતીયો વચ્ચે પોતાનો પ્રભાવ કાયમી રીતે સ્થાપિત કરવાનો એજન્ડા છે. આવતા બે મહિનામાં કેએ એન્ટરપ્રાઈઝ અનેક રીતે વિસ્તરણ કરશે.
દીપિકા પાદુકોણના રોકાણને મેનેજ કરનાર અને KA એન્ટરપ્રાઈઝના સીઈઓનુ કહેવું છે કે,’આ એક અનોખો બિઝનેસ પ્રસ્તાવ છે. અમારો આઈડિયા એક સેલિબ્રિટીથી અલગ કંઈક અનોખું કરવાનો છે. કંપનીઓને દીપિકાની બ્રાન્ડ, તેનો રૂપિયો અને બિઝનેસની સમજ જેવી વસ્તુઓ મળે છે. આ ત્રણે પિલર્સ એકસાથે મળે છે. જે તમને અન્ય કોઈ ફેમિલી ઓફિસમાં સાથે નથી મળતું.’ તેમણે આ સ્ટાર્ટઅપ્સમાં દીપિકાનું કેટલું રોકાણ છે તે વિશે કહેવાનો ઈન્કાર કર્યો પરંતુ એ કહ્યું કે આ કરોડોનો ગંભીર દાવ છે.
દીપિકા પાદુકોણે તાજેતરમાં જ 113 કરોડ રૂપિયાનું રોકાણ કર્યું છે. આ સાથે જ તે ફોર્બ્સ 2018ની લિસ્ટમાં ટોપ-5 સૌથી વધારે કમાણી કરનાર સેલિબ્રિટીના લિસ્ટમાં એકમાત્ર મહિલા બની છે. જેથી જાણ થાય છે કે તે અનેક મોટા સ્ટાર્ટઅપમાં રોકાણ કરનાર હોલિવૂડ સેલેબ જેસિકા આલ્બા, જે-ઝેડ, યુ2 ફ્રન્ટમેન બોનો અને એડવર્ડ નોર્ટનની જેમ આગળ વધી રહી છે. જેમાં કેબ પ્રોવાઈડર ઉબર અને મ્યુઝિક એપ ટિડલનો પણ સમાવેશ થાય છે. દીપિકા આ લિસ્ટમાં બીજા એ-લિસ્ટ સેલેબ્સ જેવા કે એમ.એસ.ધોની, આમિર ખાન અને પતિ રણવીર સિંહથી આગળ છે.
ડફ એન્ડ ફેલ્પ્સ અનુસાર, દીપિકા પાદુકોણ અને વિરાટ કોહલીની બ્રાન્ડ વેલ્યૂ 2018માં 100 મિલિયન ડોલરથી વધારે રહી હતી. વેન્ચર કેપિટલ ફર્મ્સથી અલગ, દીપિકાના ઈન્વેસ્ટમેન્ટમાં કોઈ સમય મર્યાદા નથી. તેણે નવેમ્બર 2018માં 21 પ્રોડક્ટ બ્રાન્ડ્સને એન્ડોર્સ કરી જે દેશમાં સૌથી વધારે છે. તેની ફેમિલી ઓફિસ કેએ એન્ટરપ્રાઈઝીસ મોટા સ્તર પર બિઝનેસ-ટૂ-કન્ઝ્યૂમર (B2C) સ્પેસમાં દાવ લગાવવા પર વિચાર કરી રહ્યું છે
થોડા સમય પહેલા ક્રિકેટર્સ અને ફિલ્મ એક્ટર સામાન્ય બ્રાન્ડ એમ્બેસેડરની જેમ જ સ્ટાર્ટઅપનો ચહેરો બન્યાં હતાં. જોકે, તેણે પબ્લિક ફેસ બનવા માટે પણ સ્ટાર્ટઅપ્સમાં ઈક્વિટી પણ લીધી હતી. જોકે, દીપિકા દ્વારા કરવામાં આવેલું રોકાણ રોકડમાં જ છે. જેવી રીતે બીજા ફાઈનાન્શિયલ ઈન્વેસ્ટર્સ દ્વારા કરવામાં આવે છે.