તમારા કામનું / EPFO ​​મેમ્બર્સ માટે ખૂબ જ ફાયદાકારક છે EDLI યોજના, જાણો તેના લાભ અને અન્ય ડિટેલ્સ

• પરિવારના સભ્યોનું ભવિષ્ય કરો સુરક્ષિત 
• જાણો શું છે EPFOની EDLI યોજના 
• નળશે નાણાકીય મદદ 

EPFO તેના સભ્યોના લાભ માટે ઘણી યોજનાઓ લાવતું રહે છે. આમાંથી એક EDLI સ્કીમ છે. જો કે ઘણા લોકો આ યોજનાના ફાયદા વિશે જાણતા નથી. જેના કારણે તેઓ આ યોજનાનો લાભ લઈ શકતા નથી. આ યોજના કોઈપણ મુશ્કેલીઓના કિસ્સામાં તેના મેમ્બર્સના પરિવારોને નાણાકીય સુરક્ષા આપે છે. થોડી માહિતી રાખીને, તમે તમારા પરિવારના સભ્યોનું ભવિષ્ય સુરક્ષિત કરી શકો છો. અહીં અમે તમને EDLI સ્કીમ સંબંધિત કેટલીક મહત્વપૂર્ણ માહિતી જણાવી રહ્યા છીએ…

કઈ રીતે મળે છે નાંણા? 
આ યોજના 1976 માં શરૂ કરવામાં આવી હતી અને તેનો ઉદ્દેશ્ય કર્મચારીના મૃત્યુ પછી તેના પરિવારને આર્થિક સહાય પૂરી પાડવાનો છે. EDLI હેઠળ વીમાની રકમ છેલ્લા 12 મહિનાના પગાર પર આધારિત છે. આ 12 મહિનાના પગારના 35 ગણા હોય છે અને જો કોઈનો પગાર 10 હજાર રૂપિયા છે તો તેના પરિવારને 3,50,000 રૂપિયા આપવામાં આવશે.

શું છે EDLI યોજનાની વિશેષતાઓ? 

• EDLI સ્કીમ એટલે કે એમ્પ્લોયી ડિપોઝિટ લિંક્ડ ઈન્સ્યોરન્સ સ્કીમ એ EPFOની સ્કીમ છે. જે તેના સભ્યોને વિના મૂલ્યે વીમા સુવિધા પૂરી પાડે છે. કર્મચારીના આકસ્મિક મૃત્યુ પર તેના પરિવારજનોને આ પૈસા મળે છે.
• EPFOના એક એક્ટિવ નોમિનીને સેવાના સમયગાળા દરમિયાન સભ્યના મૃત્યુ પર 7 લાખ રૂપિયા સુધીની રકમ ચૂકવવામાં આવે છે.
• EPFO સભ્યો EDLI સ્કીમમાં આપમેળે ઉમેરવામાં આવે છે. જો કે EPFO ​​સભ્યના સગાંઓને આ યોજનાનો લાભ ત્યારે જ મળી શકે છે જ્યાં સુધી તે EPFના એક્ટિવ સભ્ય હોય.
• EDLIની સેવાઓનો લાભ લેવા માટે સેવાના સમયની કોઈ ન્યૂનતમ સીમા નથી.
• EDLI હેઠળ વીમાની રકમ 7 લાખ રૂપિયાની મર્યાદા સાથે છેલ્લા 12 મહિનાના સરેરાશ મૂળ પગારના 35 ગણી છે.
• આ યોજના હેઠળ બોનસની પણ જોગવાઈ છે.